Foto: Aqordanyń baspasóz qyzmeti
Memleket basshysy Ulttyq ǵylym akademiiasynyń prezidenti Aqylbek Kúrishbaevty qabyldady, - dep habarlaidy "Ult aqparat" Aqordaǵa silteme jasap.
Kezdesý barysynda otandyq ǵylymdy damytý máseleleri talqylandy.
Memleket basshysy byltyr jańa mártebe berilgen Ulttyq Ǵylym akademiiasy otandyq ǵalymdardyń kúsh-jigerin biriktirip, ǵylym men ekonomikaǵa naqty paida ákeletin jańalyqtar engizýge erekshe mán berýge tiis ekenin atap ótti.
Qasym-Jomart Toqaev Ulttyq ǵylym akademiiasynyń jańa múshelerin sailaý protsesin jedeldetý, Akademiia jumysyna talantty jas ǵalymdar men jańa mamandardy keńinen tartý qajet ekenine nazar aýdardy.
Sonymen qatar Prezidentke Aqylbek Kúrishbaev ózi basqaratyn Qazaq ulttyq agrarlyq zertteý ýniversitetiniń ǵylymi zertteýlerin jáne agroónerkásip salasyn jetildirýge baǵyttalǵan jumystaryn tanystyrdy.
Memleket basshysynyń pikirinshe, oqý ornyna zertteý ýniversiteti mártebesiniń berilýi agrarlyq sektordaǵy ǵylymi ázirlemelerdi naqty óndiriske engizýge, ǵylymi zertteýlerdiń nátijesin kommertsiialandyrýǵa múmkindik beredi.
Kezdesý sońynda Qasym-Jomart Toqaev jańa mindetterdi eskere otyryp, Ulttyq ǵylym akademiiasyn damytý strategiiasy men jumys josparyn pysyqtaýdy tapsyrdy. Sonymen qatar Qazaqstan Ǵylym akademiiasynyń negizin qalaǵan Qanysh Sátbaevtyń 125 jyldyǵyna arnalǵan is-sharalardy joǵary deńgeide uiymdastyrý mańyzdy ekenin aitty.
