Qazaqstan Prezidenti Qasym-Jomart Toqaev Ulttyq bank tóraǵasy Erbolat Dosaevty qabyldady, dep habarlaidy Aqorda.
Memleket basshysyna biylǵy jyldyń I toqsanyndaǵy aqsha-kredit saiasatyn iske asyrýdyń aldyn ala qorytyndysy týraly baiandaldy.
Ulttyq bank tóraǵasy álemdik ekonomikany qalpyna keltirý barysynda yqtimal negizgi syn-qaterler jaiynda aitty.
Prezidentke elimizdiń 2020 jylǵa arnalǵan tólem balansy, jalpy halyqaralyq rezervteriniń jaǵdaiy, altyn qoryn hedjirleý tásilderi jóninde málimet berildi.
Erbolat Dosaev Memleket basshysynyń Qazaqstan azamattarynyń zeinetaqy jinaqtaryn merziminen buryn paidalaný jáne Ulttyq tólem júiesin qurý tapsyrmalarynyń oryndalý barysy týraly baiandap, turǵyn úi saiasatyn reformalaýǵa qatysty usynystaryn jetkizdi.
Kezdesý sońynda Memleket basshysy Ulttyq bank tóraǵasyna birqatar naqty tapsyrma berdi.
