Qasym-Jomart Toqaev beinebailanys arqyly ótken Ujymdyq qaýipsizdik týraly shart uiymy Ujymdyq qaýipsizdik keńesiniń kezekten tys sessiiasyna qatysty, dep habarlaidy "Ult aqparat" Aqordaǵa silteme jasap.
Memleketter basshylary Aýǵanstandaǵy jaǵdai jáne onyń Uiymǵa múshe memleketterdiń qaýipsizdigine tigizer áseri týraly pikir almasty. Sondai-aq Ortalyq Aziia aimaǵyndaǵy syn-qaterlerdiń aldyn alýǵa baǵyttalǵan is-qimyldardy talqylady.
Qazaqstan Prezidenti óz sózinde barlyq syn-qaterlerdi, sonyń ishinde terrorizm men ekstremizmniń taralýy, qarý-jaraq pen esirtkiniń zańsyz saýdasynyń artýy, zańsyz kóshi-qon, bosqyndardyń jappai qozǵalysy, aimaqqa destrýktivti elementterdiń enýi sekildi máselelerdi keshendi túrde qarastyrý kerek ekenine nazar aýdardy.
Osyǵan bailanysty Qasym-Jomart Toqaev ujymdyq qaýipsizdik júiesin nyǵaitýǵa jáne Uiymnyń shuǵyl áreket etýine baǵyttalǵan birqatar usynys aitty.
Memleket basshysy Aýǵanstandaǵy gýmanitarlyq jáne azyq-túlik daǵdarysynyń aldyn alý asa mańyzdy ekenin de atap ótti.
UQShU Ujymdyq qaýipsizdik keńesiniń kezekti sessiiasy biyl 16 qyrkúiekte Dýshanbe qalasynda ótedi.
