Qazaqstan Prezidenti Qasym-Jomart Toqaev Ýkraina tóńiregindegi jaǵdaidy baqylap otyr. Bul týraly Memleket basshysynyń baspasóz hatshysy Berik Ýáli málimdedi, dep habarlaidy Sputnik Qazaqstan.
"Prezident Ýkraina tóńiregindegi jaǵdaidyń damýyn muqiiat qadaǵalap otyr. Bul másele Vladimir Pýtinmen kezdesý barysynda talqylandy. Bizdiń eldiń prezidenti ymyraǵa kelý úshin nátijeli diplomatiialyq kelissózdi jalǵastyrýdy qoldaitynyn jetkizdi", - dedi Berik Ýáli.
Toqaevtyń aitýynsha, eýraziialyq qaýipsizdiktiń bólinbeý printsipin ustaný kerek. Bul qaǵidat 2010 jyly qabyldanǵan EQYU Astana deklaratsiiasynyń mátinine engen bolatyn.
Eske salsaq, Kiev pen batys memleketteri jaqynda Ýkraina shekaralarynda Reseidiń "agressivti áreketteriniń" kúsheiýine bailanysty alańdaýshylyq bildirdi.
Kreml mundai aiyptaýlardy birneshe ret joqqa shyǵardy. Máskeý tarapy eshkimge shabýyl jasaý josparlanyp otyrǵan joq dep málimdedi. Al "Resei agressiiasy" týraly málimdemeler NATO-nyń áskeri tehnikasyn Resei shekaralaryna jaqyn ornalastyrý úshin syltaý retinde qoldanylady degendi alǵa tartty.
