Sýret: Akorda.kz
Memleket basshysy óńirlerdiń ákimderimen jylý berý máselesin talqylady, dep habarlaidy "Ult aqparat" Aqordanyń baspasóz qyzmetine silteme jasap.
Qasym-Jomart Toqaevqa Atyraý, Qaraǵandy, Pavlodar, Mańǵystaý oblystarynyń ákimderi aimaq turǵyndaryn jylýmen jáne sýmen qamtamasyz etý máselesi jóninde esep berdi.
Prezident apat bolǵan ýchaskelerdegi jaǵdaidy shuǵyl rettep, halyqty jylýmen jáne sýmen qamtý isin tez arada qalpyna keltirýdi jáne barlyq eldi mekendegi kommýnaldyq jelilerdiń úzdiksiz jumysyn jolǵa qoiýdy talap etti.
Úkimetke jylytý maýsymyna daiyndyq kezinde olqylyqtar jiberilgeni týraly aityldy.
Úkimet basshylyǵy elimizdegi tozyǵy jetken energetikalyq infraqurylymdaǵy buzylý jaǵdailaryn qospaǵanda, jalpy ahýal baqylaýda ekenin málimdedi. Apattyq jaǵdailarǵa jol bermeý sharalary qabyldanyp jatyr.
Memleket basshysy berilgen tapsyrmalardy oryndaý úshin Úkimetke jáne oblystardyń ákimderine jeke-jeke jaýapkershilik júktedi.
