Prezident Qasym-Jomart Toqaev memlekettik rámizder týraly oiyn aitty, - dep habarlaidy Tengrinews.kz.
"Biz ǵylymnyń ulttyq ekonomikaǵa qosatyn úlesin kóbeitýimiz kerek. Sonymen birge, álemdik ǵylymi keńistikpen yqpaldastyqty kúsheitken jón. Ǵalymdar elimizdiń rýhani damýyna da basa mán bergeni durys.
Jastardyń otanshyldyq rýhyn kúsheitý kerek. Qazir áleýmettik jelide memlekettik týdy qadirleý týraly kóptegen oi-pikirler aitylýda. Ókinishke qarai, qasietti kók týymyzǵa bailanysty oryn alǵan jaǵymsyz jaǵdailar azaimai tur. Sondyqtan, bairaǵymyzdy paidalaný tártibin qaita qaraý kerek dep oilaimyn. Qajet bolsa, tiisti zańdarǵa ózgertýler engizýge bolady. Óitkeni, kók týymyz - qasterli Táýelsizdigimizdiń simvoly.
"Týǵan jerge týyńdy tik" dep halqymyz beker aitpaǵan. Biz - týyn árqashan biik ustaǵan elmiz. Osy rette, Qanysh Sátbaevtyń bir oiy ózekti bolyp otyrǵan siiaqty: "Óz eliniń qara tasyn maqtan ete almaǵan, ózge jerdiń altynyn da maqtap jarytpaq emes", - dedi Prezident.
Toqaev memlekettik rámizderimizdi qasterleý - ár azamattyń perzenttik paryzy ekenin atap ótti.
"Osyny óskeleń urpaqtyń sanasyna sińiretin eń áýeli - sizder, iaǵni ziialy qaýym", - dep atap ótti Prezident.
