TMD uiymyna múshe memleketter basshylary keńesiniń kezekti otyrysynda Qazaqstan Prezidenti Qasym-Jomart Toqaev tushy sýǵa qatysty problemany birlesip sheshýge shaqyrdy, dep habarlaidy QazAqparat.
«Elderimiz tek klassikalyq syn-qaterlerge ǵana emes, sonymen birge tabiǵi jáne tehnogendik sipattaǵy táýekelderge de ushyraidy. Qazaqstan ekologiia jáne qorshaǵan ortany qorǵaý máseleleri sheshimin ilgeriletýde yntymaqtastyqqa shaqyrady. Dúniejúzilik meteorologiialyq uiymnyń málimetterine sáikes, qazir Jer sharyndaǵy sý resýrstarynyń jarty paiyzy ǵana tushy sý retinde tutynýǵa jaramdy. Buǵan qosa, ótken jyly 2 mlrd adam qaýipsiz aýyzsýǵa qol jetkizýde qiyndyqqa tap boldy. Bul TMD keńistiginde sý resýrstaryn, transshekaralyq ózenderdi paidalanýda oryn alyp otyrǵan problemalardy sheshý úshin naqty qadam jasaý qajettigin kórsetip otyr», - dedi Qasym-Jomart Toqaev.
Sonymen qatar QR Prezidenti jahandyq jylynýmen kúres jaǵdaiynda tómen kómirtekti ekonomikaǵa kóshý máselesi de ózekti bolyp kele jatqanyn basa aitty.
«Bul úshin Dostastyq elderine tehnologiialyq jáne ekonomikalyq qurylystyń kúrdeli transformatsiiasy arqyly ótýge týra keledi. Qazaqstan qazirdiń ózinde 2060 jylǵa qarai kómirtegi beitaraptylyǵyna kóshý nietin jariia etti. Bul máselege ekonomikalarymyzdyń erekshelikterin eskere otyryp, barynsha syndarly, tiimdi jaqyndaýymyz qajet dep sanaimyn. Sondyqtan TMD aiasynda jalpytujyrymdyq ádister ázirlegen jón bolar edi», - dedi Memleket basshysy.
