Prezidenttiń baspasóz hatshysy Rýslan Jeldibai Toqaev pen Pýtinniń jeke kelissózderi týraly aitty, - dep habarlaidy "Ult aqparat".
"Prezident Qasym-Jomart Toqaev Sochide uzaqqa sozylǵan jeke kezdesýdegi kelissózdiń qorytyndysyna kóńili tolatynyn jetkizdi. Memleket basshysynyń pikirinshe, kelissóz ózara senim ári iskerlikpen erekshelengen aiyryqsha dostyq atmosferada ótti.
Prezident saýda-ekonomikalyq, investitsiialyq jáne gýmanitarlyq yntymaqtastyqqa, eki eldiń halyqaralyq arenadaǵy ózara is-áreketine qatysty barlyq máseleler jan-jaqty talqylanǵanyn atap ótti. Memleketter basshylary ózderiniń deńgeiindegi ýaǵdalastyqtardy eki el úkimetteriniń turaqty túrde júzege asyrýy mańyzdy dep túsinedi", - dep jazdy ol Facebook paraqshasynda.
Sondai-aq, Rýslan Jeldibai Prezidentter turaqty jumys bailanystaryn jalǵastyrýǵa keliskenin aitty. Toqaev Pýtinge qurmeti men qonaqjailyǵyna shynaiy rizashylyǵyn bildirgen.
Eske salaiyq, Qazaqstan Prezidenti 19 tamyzda jumys saparymen Sochige barǵan bolatyn.
