Foto: Akorda.kz
Qasym-Jomart Toqaev SINOPEC korporatsiiasynyń prezidenti Iýi Baotsaidy qabyldady, - dep habarlaidy "Ult aqparat" Aqordanyń resmi saityna silteme jasap.
Memleket basshysyna SINOPEC kompaniiasynyń elimizdegi qyzmetiniń qorytyndysy jáne aldaǵy kezeńge arnalǵan jospary jóninde málimet berildi.
Áńgimelesý barysynda geologiialyq barlaý jáne munai-gaz himiiasy ónimderin óndirý salalaryndaǵy yntymaqtastyq perspektivalary talqylandy.
Prezident otandyq kompaniialardyń SINOPEC korporatsiiasymen ózara is-áreketi Qazaqstan men Qytaidyń strategiialyq seriktestigin nyǵaitýǵa yqpal etetinine senim bildirdi.
Sonymen qatar Qasym-Jomart Toqaev energetika jáne himiia salalaryndaǵy birlesken jobalardy júzege asyrý kezinde sý únemdeitin tehnologiialardy engizý mańyzdy ekenine nazar aýdardy.
