Foto: Akorda.kz
Memleket basshysy QHR Tóraǵasy Si Tszinpinge kóńil aitý jedelhatyn joldady, - dep habarlaidy "Ult aqparat" Aqordanyń baspasóz qyzmetine silteme jasap.
Prezident Qasym-Jomart Toqaev Qytaidyń soltústik-batysynda bolǵan jer silkinisi saldarynan kóptegen adamnyń qaza tabýyna bailanysty Qytai Halyq Respýblikasynyń Tóraǵasy Si Tszinpinge kóńil aitty.
"Elińizdiń Gansý provintsiiasynda bolǵan joiqyn jer silkinisi saldarynan kóptegen otandastaryńyzdyń qaza tapqany týraly sýyt habardy tereń kúizelispen qabyldadym. Osyndai qiyn sátte Sizge jáne tabiǵi apatta jaqyndarynan aiyrylǵan otbasylarǵa kóńil aita otyryp, Qytai halqynyń qaiǵy-qasiretine qazaqstandyqtar ortaq ekenin jetkizemin. Zilzala kezinde zardap shekken jandar tez arada saýyǵyp, iz-tússiz joǵalǵan azamattardyń otbasylaryna aman-esen oralýyna tilektespin", – dep jazylǵan jedelhatta.
