Foto: Akorda.kz
Prezident Qasym-Jomart Toqaev QHR Tóraǵasy Si Tszinpinniń 70 jasqa tolǵan mereitoiyna orai quttyqtaý jedelhatyn joldady, - dep habarlaidy "Ult aqparat" Aqordanyń baspasóz qyzmetine silteme jasap.
Qasym-Jomart Toqaev Qytaidyń saiasi, áleýmettik-ekonomikalyq, mádeni-gýmanitarlyq salalaryn damytýǵa jáne halyqaralyq arenadaǵy joǵary bedelin ilgeriletýge Si Tszinpinniń qosqan jeke úlesin joǵary baǵalady.
Memleket basshysy Qytai halqynyń igiligin qamtamasyz etýge baǵyttalǵan QHR Tóraǵasynyń bastamalary men aýqymdy reformalarynyń tabysty júzege asyrylýyna tilektestik bildirdi.
Prezident Qazaqstannyń eki el arasyndaǵy jan-jaqty strategiialyq seriktestik pen yntymaqtastyqty nyǵaitýǵa nietti ekenin taǵy da rastady.
"Bizdiń birlesken kúsh-jigerimiz eki el arasyndaǵy yntymaqtastyqty odan ári nyǵaitýǵa jáne Qazaqstan men Qytai arasyndaǵy kópjaqty seriktestikti sapaly jańa deńgeige shyǵarýǵa tolyq yqpal etetinine senimdimin", – dep jazylǵan jedelhatta.
