Qasym-Jomart Toqaev Qazaqstanǵa resmi saparmen kelgen Shveitsariia Konfederatsiiasy Federaldy Jinalysynyń Ulttyq Keńesiniń (tómengi palatasynyń) tóraǵasy Andreas Ebidi qabyldady, dep habarlaidy "Ult aqparat" Aqordaǵa silteme jasap.
Memleket basshysy Shveitsariiany Qazaqstannyń Eýropadaǵy mańyzdy seriktesteriniń biri ekenin aita otyryp, olardyń ónerkásip, «jasyl» ekonomika, aýyl sharýashylyǵy jáne qarjy salasyndaǵy joǵary innovatsiialyq áleýetin atap ótti.
Qazaqstan Prezidenti bizdiń eldiń shikizattyq emes sektoryna Shveitsariia kapitaly men tehnologiialaryn tarta otyryp, jańa iri jobalardy iske asyrýǵa beiildi ekenin bildirildi. Memleket basshysynyń aitýynsha, bul Qazaqstan ekonomikasyndaǵy shveitsariialyq biznestiń onsyz da berik pozitsiiasyn odan ári nyǵaitýǵa yqpal etedi.
Shveitsariia – 2005 jyldan beri elimizdiń ekonomikasyna 27 milliard dollardan astam investitsiia salǵan eń iri úsh investorynyń biri. Bizdiń elde Glencore Xstrata, ABB, Philipp Morris, Rieter, Schindler, Bühler, Leica, Nestlé, Roche, Novartis, Syngenta, Ammann Group jáne basqa da iri shveitsariialyq kompaniialar tabysty jumys isteidi.
Sonymen qatar Shveitsariiamen aradaǵy taýar ainalymy byltyr 1,7 milliard dollarǵa jetip, jalpy saýda sekirteriniń arasynda 11-shi orynǵa ilingen. Memleket basshysy Qazaqstan men Shveitsariia arasyndaǵy qarym-qatynastardyń tabysty damýyna eki eldiń tyǵyz saiasi bailanystary yqpal etedi degen pikirin bildirdi. Osyǵan bailanysty Qasym-Jomart Toqaev jaqynda Shveitsariia Prezidenti Gai Parmelandpen mazmundy kelissózder ótkizgenin atap ótti.
Jemisti bailanystardy jalǵastyrý úshin Memleket basshysy kelesi kezdesýdi biyl qarasha aiynyń sońynda ótkizýge daiyn ekenin bildirdi.
Óz kezeginde Andreas Ebi ekijaqty yntymaqtastyqtyń qazirgi damý deńgeiin oń baǵalap, ony parlamentaralyq bailanystar arqyly nyǵaitýǵa septesýge daiyn ekenin bildirdi. Osyǵan bailanysty «Qazaqstan - Shveitsariia» parlamentaralyq yntymaqtastyq tobynyń jumysyn jandandyrý týraly kelisimge qol jetkizildi.
Áńgimelesýshiler Aýǵanstandaǵy qazirgi jaǵdaiǵa erekshe nazar aýdardy. Taraptar bul másele boiynsha jan-jaqty pikir almasyp, osy eldegi áskeri-saiasi jáne gýmanitarlyq jaǵdaidyń shielenisýine alańdaýshylyq bildirdi.
Qasym-Jomart Toqaev 26 tamyzda Kabýl halyqaralyq áýejaiynda lańkestik jasaǵandardy aiyptap, terroristik qaýipke qarsy turý, Aýǵanstandaǵy jaǵdaidy turaqtandyrý, álemdegi jáne Ortalyq Aziiadaǵy beibitshilik pen qaýipsizdikti nyǵaitý úshin ǵalamdyq qoǵamdastyqtyń kúsh-jigerin jumyldyrý qajet degen pikir bildirdi.
