Prezident Qasym-Jomart Toqaev Shyǵys Qazaqstan oblysyndaǵy Qaljyr ózeniniń lastanýyna kinálilerdi jaýapqa tartýdy tapsyrdy. Bul týraly Memleket basshysynyń baspasóz hatshysy Berik Ýáli málimdedi, - dep habarlaidy "Ult aqparat".
Berik Ýálidiń aitýynsha, "Aiqyn" gazetiniń búgingi nómirine "Qaljyrdy kim lastap jatyr?" degen maqala jariialanǵan. Onda Shyǵys Qazaqstan oblysyndaǵy Qaljyr ózenin zańsyz altyn óndirýshiler lastap jatqany týraly óte ózekti másele kóterilgen.
"Osyǵan bailanysty Memleket basshysy Qasym-Jomart Toqaev Ekologiia, geologiia jáne tabiǵi resýrstar ministrligi men Shyǵys Qazaqstan oblysynyń ákimdigine bul problemany egjei-tegjeili tekserip, kinálilerdi jaýapkershilikke tartý týraly tapsyrma berdi", - dep jazdy Berik Ýáli.
