Memleket basshysy Qasym-Jomart Toqaev ShQO-daǵy alapat órtke bailanysty tapsyrma berdi, - dep habarlaidy "Ult aqparat".
"Memleket basshysynyń tapsyrmasy boiynsha Úkimet pen Shyǵys Qazaqstan oblysynyń ákimdigi órtten zardap shekken Leshoz kentiniń turǵyndaryna kómek kórsetip, baspanamen qamtamasyz etý jumystaryn júrgizip jatyr. Bul máseleni Prezident óz baqylaýynda ustap otyr", - dep jazdy Prezidenttiń baspasóz hatshysy Berik Ýáli Facebook jelisinde.
Eske salaiyq, búgin áleýmettik jelilerde Ridder qalasynyń mańyndaǵy ormanda joiqyn órt týraly video taraǵan bolatyn. Videony ShQO TJD men kýágerler joldaǵan. Bastapqyda órtten 14 úi zardap shekkeni aitylǵan edi, alaida keiinirek 35 úidi jalyn sharpyǵany anyqtaldy. Tótenshe jaǵdaidan bir adam qaza taýyp, eki adam zardap shekkeni, olar aýrýhanada jatqany habarlandy. Sondai-aq, órtpen kúreske 100 adam men MI-8 tikushaǵy jumyldyrylǵany belgili boldy.
