مەملەكەت باسشىسى قاسىم-جومارت توقاەۆ شقو-داعى الاپات ٶرتكە بايلانىستى تاپسىرما بەردٸ, - دەپ حابارلايدى "ۇلت اقپارات".
"مەملەكەت باسشىسىنىڭ تاپسىرماسى بويىنشا ٷكٸمەت پەن شىعىس قازاقستان وبلىسىنىڭ ەكٸمدٸگٸ ٶرتتەن زارداپ شەككەن لەسحوز كەنتٸنٸڭ تۇرعىندارىنا كٶمەك كٶرسەتٸپ, باسپانامەن قامتاماسىز ەتۋ جۇمىستارىن جٷرگٸزٸپ جاتىر. بۇل مەسەلەنٸ پرەزيدەنت ٶز باقىلاۋىندا ۇستاپ وتىر", - دەپ جازدى پرەزيدەنتتٸڭ باسپاسٶز حاتشىسى بەرٸك ۋەلي Facebook جەلٸسٸندە.
ەسكە سالايىق, بٷگٸن ەلەۋمەتتٸك جەلٸلەردە ريددەر قالاسىنىڭ ماڭىنداعى ورماندا جويقىن ٶرت تۋرالى ۆيدەو تاراعان بولاتىن. ۆيدەونى شقو تجد مەن كۋەگەرلەر جولداعان. باستاپقىدا ٶرتتەن 14 ٷي زارداپ شەككەنٸ ايتىلعان ەدٸ, الايدا كەيٸنٸرەك 35 ٷيدٸ جالىن شارپىعانى انىقتالدى. تٶتەنشە جاعدايدان بٸر ادام قازا تاۋىپ, ەكٸ ادام زارداپ شەككەنٸ, ولار اۋرۋحانادا جاتقانى حابارلاندى. سونداي-اق, ٶرتپەن كٷرەسكە 100 ادام مەن مي-8 تٸكۇشاعى جۇمىلدىرىلعانى بەلگٸلٸ بولدى.
