Sýret Instagram / @tokayev_online
Memleket basshysy shahmattan Qazaqstan áielder quramasyn Polshada ótken komandalyq álem chempionatynda kúmis medal ie bolýymen quttyqtady, - dep habarlaidy "Ult aqparat".
"Shahmattan Qazaqstan quramasyn áielder arasyndaǵy komandalyq álem chempionatynda tuńǵysh ret kúmis medalǵa ie bolýymen quttyqtaimyn! Bul – elimizdiń shahmat tarihyndaǵy aitýly oqiǵa. Bairaqty básekede qyzdarymyz asqan sheberliktiń jáne jeńiske degen sheksiz erik-jigerdiń ozyq úlgisin kórsetti. Sizderdiń tamasha jetistikterińiz shahmat sportyn jan-jaqty dáriptep, óskeleń urpaqtyń oǵan degen qyzyǵýshylyǵyn arttyra túsetini anyq.
Memleket adamnyń oi-órisin jetildiretin bekzat ónerdi damytýǵa barynsha qoldaý kórsete beredi. Elimizdegi kásibi jáne áýesqoi shahmatshylarǵa tek jarqyn jeńister tileimin!", – dep jazdy Prezident óziniń Instagram paraqshasynda.
