ShQO-da 87 jastaǵy zeinetker alaiaqtardyń qurbany bola jazdady ShQO-da 87 jastaǵy zeinetker alaiaqtardyń qurbany bola jazdady Shai ónimderin ákelý men satýǵa salynǵan shekteý alyndy – Komitet Shai ónimderin ákelý men satýǵa salynǵan shekteý alyndy – Komitet
Saiasat

Toqaev Seýlde Abai biýstiniń ashylý rásimine qatysty

Ult portaly
Toqaev Seýlde Abai biýstiniń ashylý rásimine qatysty


Qasym-Jomart Toqaev Seýlde Abai Qunanbaiulyna qoiylǵan biýsttiń ashylý rásimine qatysty, dep habarlaidy "Ult aqparat" Aqordaǵa silteme jasap.

Memleket basshysy Seýldaǵy Kiber ýniversitettiń aýmaǵynda ashylǵan uly Abai biýstiniń ashylýyna zor mán berip, onyń Qazaqstan men Koreia Respýblikasynyń dostyǵyn nyǵaita túsetinin atap ótti.

– Seýl tórinde qazaq halqynyń uly perzenti, aqyn Abai Qunanbaiulynyń biýsti ornatyldy. Bul – korei baýyrlarymyzdyń qazaq halqyna degen zor qurmetiniń belgisi, – dedi Qazaqstan Prezidenti.

Biýsttiń jobasy Qazaqstanda daiyndalyp, tutas músini Koreiada qoladan quiylǵan. Qasym-Jomart Toqaev biýsttiń Koreia astanasyndaǵy ýniversitet aýmaǵyna ornatylýynyń mańyzdy ekenine toqtaldy.

– Abai – uly aqyn ǵana emes, kemeńger oishyl, áigili aǵartýshy. Sondyqtan, Abaiǵa arnalǵan biýsttiń bilim ordasyna qoiylýy oryndy sheshim ekeni sózsiz. Munyń simvoldyq mán-mańyzy airyqsha. Ol jurtty ǵylym igerýge, bilimdar bolýǵa úndedi. Jańashyldyq pen jasampazdyqty dáriptedi. Abai murasy – bizdiń elimizge ǵana emes, barsha adamzatqa ortaq qundylyq. Dala danyshpanynyń «Adam balasy adam balasynan aqyl, ǵylym, ar, minez degen nárselermen ozbaq» degen sózi bar. Bul qasietterdi korei halqy da erekshe baǵalaitynyn bilemiz. Osy qundylyqtardyń arqasynda qazirgi tańda Koreia Respýblikasy ozyq damyǵan memleketterdiń qataryna qosylyp otyr. Byltyr biz Abaidyń 175 jyldyq mereitoiyn atap óttik. Osyǵan orai, kóptegen aýqymdy is-sharalar uiymdastyrdyq. Abai shyǵarmalary álemniń birneshe tiline aýdaryldy. Sonyń ishinde, korei tilinde «Altyn shańyraqta shyrqalǵan án» atty kitaby jaryqqa shyqty. Koreiada uly oishylǵa arnalǵan markalar ázirlendi. Munyń bári eki eldiń rýhani yntymaqtastyǵyn odan ári nyǵaita túseri anyq, – dedi Memleket basshysy.

2010 jyl Qazaqstannyń Koreiadaǵy jyly dep jariialansa, 2011 jyly Koreianyń Qazaqstandaǵy jyly atap ótildi. Qasym-Jomart Toqaev osy sharalar arqyly barlyq baǵyttaǵy bailanystardyń arta túskenine toqtaldy.

– Ásirese, mádeni-rýhani saladaǵy yntymaǵymyzdy nyǵaittyq. Osyndai tyǵyz qarym-qatynas bolashaqta da jalǵasyn tabady. Qazaqstannyń jetekshi oqý ornynda korei tili oqytylyp keledi. Koreialyq stýdentter de qazaq tilin oqyp júrgenin jaqsy bilemin. Bul, árine, kóńil qýantarlyq erekshe jaǵdai. Kóptegen qazaq jastary korei ýniversitetterinde bilim alýda. Biz bilim, ǵylym jáne mádeniet salasyndaǵy yntymaqtastyqty odan ári jalǵastyra beremiz. Bul ózara bailanysty keleshekte de dostyq rýhta damyta túsýge jol ashady, – dedi Qazaqstan Prezidenti.

Memleket basshysy sóziniń sońynda atsalysqan azamattarǵa shynaiy rizashylyǵyn bildirip, Abai murasynyń Korei halqynyń rýhani áleminen ornyn tabatynyna senimdi ekenin aitty.

Budan keiin Qasym-Jomart Toqaev kiber ýniversitettiń art-stýdiiasymen tanysty.



Oqi otyryńyz