Prezident Saýd Arabiiasy Koroldiginiń Islam isteri, ýaǵyz jáne nasihat jónindegi ministri sheih Abdýllatif ben Abdýlaziz Abdrahman Ál ash-Sheihpen kezdesti, - dep habarlaidy "Ult aqparat" Aqordaǵa silteme jasap.
Qasym-Jomart Toqaev Saýd Arabiiasy Koroldiginiń Islam isteri, ýaǵyz jáne nasihat jónindegi ministri sheih Abdýllatif ben Abdýlaziz Abdrahman Ál ash-Sheihpen kezdesý ótkizdi.
Memleket basshysy islam álemine qasietti bolǵan Mekke men Medineniń ornalasqan mekeni - Saýd Arabiiasy ókilderiniń búgingi Álemdik jáne dástúrli dinder kóshbasshylarynyń basqosýyna qatysýy óte mańyzdy ekenin atap ótti. Prezident Qos Kieniń Saqshysy, Korol Salmannyń Arnaiy ókili retinde saýd delegatsiiasyn bastap kelgeni úshin ministrge rizashylyǵyn bildirdi.
Saýd Arabiiasy Koroldiginiń Islam isteri, ýaǵyz jáne nasihat jónindegi ministri Álemdik jáne dástúrli dinder kóshbasshylarynyń basqosýy bedeldi jahandyq dialog alańyna ainalǵanyn aitty.
Kezdesý barysynda Qazaqstan men Saýd Arabiiasy arasyndaǵy gýmanitarlyq yntymaqtastyqty odan ári nyǵaitý perspektivalary talqylandy.
