Memleket basshysy Qasym-Jomart Toqaev Jambyl oblysynyń ákimi Berdibek Saparbaevqa sógis jariialady, - dep habarlaidy "Ult aqparat".
Bul týraly Prezidenttiń baspasóz hatshysy Berik Ýáli Facebook jelisinde jazdy.
"Memleket basshysy Qasym-Jomart Toqaev Jambyl oblysynyń ákimi Berdibek Saparbaevqa 2019 jyly jumysynda edáýir olqylyqtarǵa jol berip, qyzmetinen bosatylǵan Q.Dosaevty ákimdiktiń basqarma basshysy etip taǵaiyndaǵany úshin sógis jariialady. Ákimge bir táýlik ishinde kadrlyq qateligin túzetýge tapsyrma berildi", - delingen habarlamada.
Buǵan deiin Taraz qalasynyń burynǵy ákimi Qairat Dosaev Tabiǵi resýrstar jáne tabiǵat paidalanýdy retteý basqarmasynyń basshysy bolyp taǵaiyndalǵany habarlanǵan edi.
Aita keteiik, ol 2019 jyldyń qarasha aiynda qala mektepteriniń birinde 12 jastaǵy qyzdy zorlaý oqiǵasyna bailanysty Taraz qalasynyń ákimi qyzmetinen bosatylǵan. Memleket basshysy Qasym-Jomart Toqaev ony qyzmetinen bosatýdy tapsyrǵan.
