Memleket basshysy "Samuryq-Qazyna" AQ basqarma tóraǵasy Almasadam Sátqalievti qabyldady, - dep habarlaidy "Ult aqparat" Aqordaǵa silteme jasap.
Qasym-Jomart Toqaevqa "Samuryq-Qazyna" qorynyń biylǵy tórt aida atqarǵan jumystarynyń qorytyndysy jóninde esep berildi.
Prezidentke qordyń óndiristik, qarjylyq kórsetkishteri men osy jylǵa arnalǵan boljamdary týraly baiandaldy. Berilgen málimetterge sáikes "Samuryq-Qazyna" aktsionerlik qoǵamy qazirgi ýaqytta josparlanǵan nátijege qol jetkizgen.
Almasadam Sátqaliev Memleket basshysyna mańyzdy investitsiialyq jobalardyń iske asyrylý barysy, iri infraqurylymdyq nysandarǵa júrgizilgen jóndeý jumystary, sondai-aq Qorǵa qarasty portfeldi kompaniialardyń IPO-ǵa daiyndyǵy jóninde baiandady.
Kezdesý sońynda Qasym-Jomart Toqaev "Samuryq-Qazyna" aktsionerlik qoǵamynyń qyzmetine qatysty birqatar naqty tapsyrma berdi.
