Foto: Akorda.kz
Prezident Qasym-Jomart Toqaev Saha Respýblikasynyń (Iakýtiia) basshysy Aisen Nikolaevty qabyldady, - dep habarlaidy "Ult aqparat" Aqorda saityna silteme jasap.
Kezdesýde Qazaqstannyń óńirleri men Saha Respýblikasy arasyndaǵy saýda-ekonomikalyq, ǵylymi jáne mádeni-gýmanitarlyq, sondai-aq tsifrlandyrý salalaryndaǵy ózara tiimdi kooperatsiialardy damytýdyń perspektivalary talqylandy.
Memleket basshysy belsendi óńiraralyq yntymaqtastyq ózara saýda kórsetkishterine oń yqpal etkenin aitty. Prezidenttiń pikirinshe, óńiraralyq saýda kólemi aitarlyqtai artty. Qazaqstan saýda qatynastaryn odan ári tereńdetýge múddeli.
Qasym-Jomart Toqaev Qazaqstan men Saha Respýblikasyn tamyry tereń tarihi jáne mádeni-gýmanitarlyq qarym-qatynastar bailanystyratyn atap ótip, yntymaqtastyqty keńeitýge erekshe nazar aýdaratynyn aitty.
Kezdesýde Aisen Nikolaev Saha eli Qazaqstan kompaniialarymen ónerkásip ónimderi, mineraldy resýrstar jáne zergerlik buiymdar salalarynda saýda-sattyq jasaýǵa daiyn ekenin jetkizdi. Sonymen qatar Iakýtiia tsifrlyq tehnologiia, kreativti indýstriia men kinematografiia baǵytynda da bailanys jasaýǵa nietti.
