Foto: Akorda.kz
Prezident Qasym-Jomart Toqaev Resei, Belarýs jáne Qyrǵyzstan úkimetteriniń basshylaryna iltipat bildire otyryp, qazaq jerinde tuńǵysh ret ótkizilip jatqan halyqaralyq «Innoprom. Qazaqstan» ónerkásip kórmesine qoldaý kórsetkeni úshin olarǵa rizashylyq bildirdi, dep habarlaidy "Ult aqparat" Aqordanyń resmi saityna silteme jasap.
– Sizderdiń arnaiy kelgenderińiz kórmeniń mártebesin arttyrǵany sózsiz jáne tyǵyz saýda-ekonomikalyq qatynastarymyzdy taǵy bir ret dáleldedi. Búginde atalǵan is-shara turaqty iskerlik alańǵa ainalyp keledi. Bul – qýanyshty jait. Kórme aiasynda áleýetti seriktester men investorlar elderimizdiń indýstriialyq sektorynyń jetistikterimen jaqynyraq tanysady, sondai-aq ózara tiimdi jobalardy iske asyrý úshin jańa múmkindikterge jol ashylady, – dedi Qasym-Jomart Toqaev.
Memleket basshysynyń aitýynsha, ónerkásip, energetika, mashina jasaý, aýyl sharýashylyǵy jáne ekonomikanyń basqa da salalarynda birlesken kásiporyndar men iri jobalar sany artyp keledi. Bul Odaqqa múshe elderdiń syrtqy saýda kóleminiń úzdiksiz ulǵaiyp, biylǵy birinshi jartyjyldyqta 13 paiyzǵa jetkeninen baiqalady.
Qasym-Jomart Toqaev Qazaqstan men Resei arasynda saýda, investitsiia jáne ónerkásip salalary boiynsha qarym-qatynas qarqyny joǵary ekenin aitty.
– Resei kompaniialary Qazaqstanǵa turaqty túrde investitsiia salyp otyrǵan bes negizgi eldiń qataryna kiredi. Búginde Reseimen birlesip, jalpy somasy 16,5 milliard dollar bolatyn 40 iri jobany júzege asyryp jatyrmyz, – dedi Prezident.
Memleket basshysy Belarýspen aradaǵy qarym-qatynas týraly aita kele, aýyl sharýashylyǵy tehnikasyn shyǵarý jáne mashina jasaý salalaryndaǵy tájiribeni oń baǵalady. Bul baǵyttaǵy jobalardyń jalpy quny – shamamen 180 million dollar.
Sonymen qatar Qazaqstan Prezidenti Qyrǵyz Respýblikasymen aradaǵy bailanystarymyzdyń turaqty damyp kele jatqanyna, ózara saýda-sattyq qarqyny joǵary ekenine nazar aýdardy.
– Jeti aida eki el arasyndaǵy saýda-sattyq kólemi byltyrǵy osy kezeńmen salystyrǵanda 13 paiyzǵa ósti. Qazaq-qyrǵyz shekarasynda Indýstriialyq saýda-logistikalyq keshen salýdyń keleshegi zor, – dedi Qasym-Jomart Toqaev.
Prezident úkimetter basshylaryna Eýraziialyq ekonomikalyq odaqqa múshe elder yntymaqtastyqty aitarlyqtai nyǵaitý úshin mol áleýetke ie, sondyqtan ony ilgeriletý maqsatynda barlyq múmkindikti belsendi paidalanǵan jón dep pikir bildirdi.
– Qazaqstan Eýraziialyq ekonomikalyq odaq aiasyndaǵy yntymaqtastyqty odan ári damytýǵa nietti. Bul Odaq óte perspektivti integratsiialyq uiym dep sanaimyz. Odaqtyń ekonomikalyq áleýetiniń múmkindikteri zor. Qazaqstan EAEO-ǵa múshe memleketterdiń bári osy jerde 2015 jyly qol qoiylǵan shartty qatań saqtap, tek ekonomikalyq integratsiia, saýda-sattyqty damytý, ózara taýar almasý baǵytynda ǵana elderimizdiń naryǵyn ashý máselelerimen ainalysýǵa tiis, – dedi Qasym-Jomart Toqaev.
Memleket basshysy saýda-ekonomikalyq kooperatsiianyń tiimdiligi kólik-tranzit áleýetin ashýmen tikelei bailanysty, sondyqtan kólik qatynastarynyń múmkindikterin dáiekti túrde damytý kerek dep sanaidy. Prezident Iranǵa, Parsy shyǵanaǵyna jáne Úndistanǵa shyǵýǵa múmkindik beretin Soltústik – Ońtústik tranzit dáliziniń, Qazaqstan – Túrikmenstan – Iran temirjolynyń, Batys Eýropa – Batys Qytai baǵytynyń múmkindikteri jóninde aitty. Sonymen qatar Transkaspii halyqaralyq kólik dáliziniń áleýetine basa mán berdi.
Budan bólek, Memleket basshysy Eýraziialyq ekonomikalyq odaqqa múshe elderdiń ónerkásip salasyndaǵy yqpaldastyǵyn damytý mańyzdy ekenine toqtaldy. Sondai-aq biyl mamyr aiynda ótken Joǵary Eýraziialyq ekonomikalyq keńes otyrysynda ónerkásip jobalaryn júzege asyrý kezinde kooperatsiiaǵa qarjylai kómek kórsetý týraly qujatqa qol qoiylǵanyn eske saldy. Prezidenttiń aitýynsha, bul mehanizm birlesken jańa óndiris oryndaryn ashýǵa tyń serpin beredi.
Kezdesý sońynda Qasym-Jomart Toqaev kórmeni uiymdastyrýǵa belsendi atsalysqany úshin úkimetter basshylaryna taǵy da alǵys aitty. Sondai-aq olardyń jumysyna tabys, al elderimizdiń igiligine qyzmet etetin jańa birlesken jobalardyń kóbeiýine tilektestik bildirdi.
