Memleket basshysy «Qazaqstan Respýblikasy Táýelsizdiginiń otyz jyldyǵyna bailanysty raqymshylyq jasaý týraly» Qazaqstan Respýblikasynyń Zańyna qol qoidy, dep habarlaidy Aqorda.
Zańnyń mátini baspasózde jariialanady.
Buǵan deiin QR Parlamenti Senatynyń jalpy otyrysynda «Qazaqstan Respýblikasy Táýelsizdiginiń 30 jyldyǵyna bailanysty raqymshylyq jasaý týraly» Zańy qabyldandy.
«Qujattyń maqsaty – asa aýyr emes jáne aýyrlyǵy ortasha qylmys úshin jazadan bosatý jáne keibir aýyr, asa aýyr qylmystar úshin jaza merzimin qysqartý. Raqymshylyq ardagerlerge, kámeletke tolmaǵandarǵa, jasy úlkenderge, birinshi jáne ekinshi toptaǵy múgedekterge, qoǵamǵa qaýip tóndirmeitin adamdarǵa qoldanylady», - dedi Ishki ister ministri Erlan Turǵymbaev
Zańǵa sáikes 2 236 sottalýshyǵa, 11 310 probatsiiada turǵan adamǵa raqymshylyq jasalady. Nátijesinde 1 myń adam qamaýdan bostandyqqa shyǵady. 3 818 adam probatsiialyq baqylaýdan bosatylady. 1 294 sottalýshyǵa, 7 492 probatsiiada turǵan adamǵa jaza merzimi qysqartylady. Sotqa deiingi tergeýdegi 5 myń is qysqarady.
