Foto: Akorda.kz
Memleket basshysy Tájikstan Prezidenti Emomali Rahmonmen telefon arqyly sóilesti, - dep habarlaidy "Ult aqparat" Aqordaǵa silteme jasap.
Qasym-Jomart Toqaev Emomali Rahmondy týǵan kúnimen quttyqtap, baýyrlas Tájikstandy damytý jolyndaǵy jaýapty memlekettik qyzmetine tabys pen baq-bereke tiledi.
Memleket basshysy eki el arasyndaǵy strategiialyq seriktestikti nyǵaitýǵa Tájikstan Prezidentiniń qosqan jeke úlesi týraly joǵary pikir bildirdi.
Taraptar Qasym-Jomart Toqaevtyń Dýshanbege jáne Emomali Rahmonnyń Astanaǵa jasaǵan saparlarynyń qorytyndylaryn oń baǵalady. Bul saparlar qazaq-tájik qatynastarynyń erekshe sipatqa ie ekenin kórsetti.
Budan bólek, prezidentter óńirlik kún tártibin, sondai-aq transshekaralyq sý kózderin paidalaný jáne saýda-ekonomikalyq yqpaldastyq máseleleri jónindegi ýaǵdalastyqtardyń júzege asyrylý barysyn talqylady.
