Qazaqstanda 11 qazanda Iandeks Go servisteriniń jumysy buzylǵannan keiin depýtat Lázzat Jylqybaeva azamattardyń derbes derekteriniń shetelde óńdelý zańdylyǵyn tekserýdi usyndy. Ol Bas prokýror men Premer-ministrdiń orynbasary – jasandy intellekt jáne tsifrlyq damý ministriniń atyna depýtattyq saýal joldady, dep habarlaidy ult.kz.
Kompaniia servistegi aqaýdy sheteldegi infraqurylymnyń isten shyǵýymen túsindirgen. Depýtattyń aitýynsha, bul jaǵdai qazaqstandyqtardyń jeke málimetteri qai elde jáne qandai quqyqtyq talaptar negizinde óńdeletini týraly suraq týyndatady.
Jylqybaeva telefon nómirleri, mekenjailar, júrip-turý baǵyttary men tólem málimetteriniń qorǵalýyna qatysty ashyqtyq qajet ekenin atap ótti.
Depýtattyń málimetinshe, Qyzylorda oblysynyń Shieli aýdanyndaǵy jeti bilim berý uiymy memlekettik satyp alý portalynda 529 qyzmetkerdiń derbes derekterin jariialaǵan. Al Semeide 344 kámeletke tolmaǵan balanyń málimetteri ashyq qoljetimdi bolǵan.
Osyǵan bailanysty ol derbes derekterdi qorǵaý talaptarynyń saqtalýyn tekserýdi, ashyq jariialanbaýy tiis aqparatty búrkemeleý sharalaryn baqylaýdy jáne jaýapty mamandardyń biliktiligin arttyrýdy usyndy.
Depýtat sondai-aq jergilikti atqarýshy organdarǵa arnalǵan tekserýdiń biryńǵai ádistemesin ázirleý qajettigin kóterdi.
