قازاقستاندا 11 قازاندا ياندەكس Go سەرۆيستەرٸنٸڭ جۇمىسى بۇزىلعاننان كەيٸن دەپۋتات لەززات جىلقىباەۆا ازاماتتاردىڭ دەربەس دەرەكتەرٸنٸڭ شەتەلدە ٶڭدەلۋ زاڭدىلىعىن تەكسەرۋدٸ ۇسىندى. ول باس پروكۋرور مەن پرەمەر-مينيستردٸڭ ورىنباسارى – جاساندى ينتەللەكت جەنە تسيفرلىق دامۋ مينيسترٸنٸڭ اتىنا دەپۋتاتتىق ساۋال جولدادى, دەپ حابارلايدى ult.kz.
كومپانييا سەرۆيستەگٸ اقاۋدى شەتەلدەگٸ ينفراقۇرىلىمنىڭ ٸستەن شىعۋىمەن تٷسٸندٸرگەن. دەپۋتاتتىڭ ايتۋىنشا, بۇل جاعداي قازاقستاندىقتاردىڭ جەكە مەلٸمەتتەرٸ قاي ەلدە جەنە قانداي قۇقىقتىق تالاپتار نەگٸزٸندە ٶڭدەلەتٸنٸ تۋرالى سۇراق تۋىنداتادى.
جىلقىباەۆا تەلەفون نٶمٸرلەرٸ, مەكەنجايلار, جٷرٸپ-تۇرۋ باعىتتارى مەن تٶلەم مەلٸمەتتەرٸنٸڭ قورعالۋىنا قاتىستى اشىقتىق قاجەت ەكەنٸن اتاپ ٶتتٸ.
دەپۋتاتتىڭ مەلٸمەتٸنشە, قىزىلوردا وبلىسىنىڭ شيەلٸ اۋدانىنداعى جەتٸ بٸلٸم بەرۋ ۇيىمى مەملەكەتتٸك ساتىپ الۋ پورتالىندا 529 قىزمەتكەردٸڭ دەربەس دەرەكتەرٸن جارييالاعان. ال سەمەيدە 344 كەمەلەتكە تولماعان بالانىڭ مەلٸمەتتەرٸ اشىق قولجەتٸمدٸ بولعان.
وسىعان بايلانىستى ول دەربەس دەرەكتەردٸ قورعاۋ تالاپتارىنىڭ ساقتالۋىن تەكسەرۋدٸ, اشىق جارييالانباۋى تيٸس اقپاراتتى بٷركەمەلەۋ شارالارىن باقىلاۋدى جەنە جاۋاپتى مامانداردىڭ بٸلٸكتٸلٸگٸن ارتتىرۋدى ۇسىندى.
دەپۋتات سونداي-اق جەرگٸلٸكتٸ اتقارۋشى ورگاندارعا ارنالعان تەكسەرۋدٸڭ بٸرىڭعاي ەدٸستەمەسٸن ەزٸرلەۋ قاجەتتٸگٸن كٶتەردٸ.
