Prezident Qasym-Jomart Toqaev Katar ekonomikalyq forýmynyń paneldik sessiiasy barysynda Resei prezidenti Vladimir Pýtin áli de Qazaqstannyń senimdi odaqtasy ekenin málimdedi, - dep habarlaidy Tengrinews.kz agenttigi.
"Iá, ol (Vladimir Pýtin - avt.esk.) - áli de Qazaqstannyń senimdi odaqtasy. Óz elimniń Prezidenti retinde Pýtinmen tyǵyz qarym-qatynasta bolǵanyma óte qýanyshtymyn", - dedi Memleket basshysy Bloomberg Television júrgizýshisi Manýs Krennidiń suraǵyna.
Sonymen qatar, Qasym-Jomart Toqaev Resei basshysy jeke áńgimede Qazaqstannyń Donetsk pen Lýgansk máselesi boiynsha ustanymy týraly aitqan sózine eshqandai reaktsiia bildirmegenin málimdedi.
