Qazaqstan men Resei Prezidentteri Qasym-Jomart Toqaev pen Vladimir Pýtinniń qatysýymen eki eldiń XVII óńiraralyq yntymaqtastyq forýmy ótip jatyr, dep habarlaidy QazAqparat.
«Ótken jyly pandemiiaǵa bailanysty forýmdy keiinge shegerýge májbúr boldyq. Pandemiia saldary qazir de baiqalady. Biz forýmdy beinekonferentsiia rejiminde ótkizip jatyrmyz. Degenmen áńgimelesýdiń bul túriniń de óz basymdyǵy bar», - dep atap ótti Memleket basshysy.
Osy oraida Qasym-Jomart Toqaev Vladimir Pýtinge epiemdiianyń alǵash bastalǵan kezeńinde Qazaqstanǵa kórsetken kómegi úshin rizashylyǵyn bildirdi.
«Resei qaitarymsyz negizde dári-dármek zattaryn jetkizip, test-júiesin usyndy. Qazaqstandyq azamattardy evakýatsiialaýǵa jan-jaqty kómek kórsetti. Birneshe apta boiy reseilik dárigerler qazaqstandyq áriptesterimen iyq tirestire júrip, eń kúrdeli óńilerde jumys istedi, ózderiniń kásibi mindetterin adal atqardy. Tájiribelerimen jáne bilimderimen bólisti. Osynaý kezeńde yntymaqtastyǵymyzdyń jeke mańyzdy kezeńi bizderdiń júzbe-júz ýaǵdalastyǵymyzdy júzege asyrý úshin Qaraǵandy farmatsevtikalyq kesheni bazasynda Spýtnik V reseilik vaktsinasy óndirisiniń iske qosylýy boldy. Munyń barlyǵy da Resei Qazaqstannyń strategiialyq seriktesi, odaqtasy ekendigin dáleldedi», - dedi Qazaqstan Prezidenti.
