Memleket basshysy Resei Federatsiiasynyń Prezidenti Vladimir Pýtinmen telefon arqyly sóilesti, dep habarlaidy Aqordanyń baspasóz qyzmeti.
Qasym-Jomart Toqaev Vladimir Pýtindi Memlekettik Dýma Federaldy Jinalysynyń VIII shaqyrylymyna sailaý naýqanynyń sátti ótýimen quttyqtady. Sailaý nátijesi Reseidiń ishki saiasi turaqtylyǵyn nyǵaitý úshin asa mańyzdy dep esepteidi Qazaqstan Prezidenti.
Sonymen qatar Qasym-Jomart Toqaev Perm memlekettik ulttyq zertteý ýniversitetinde bolǵan qandy oqiǵanyń saldarynan adamdardyń qaza bolýyna bailanysty kóńil aitty.
Áńgimelesý barysynda memleketter basshylary Qazaqstan men Resei arasyndaǵy saýda-ekonomikalyq qatynastardyń qarqyndy damýyn oń baǵalap, Kókshetaýda 30 qyrkúiekte ótetin Óńiraralyq yntymaqtastyq forýmynyń mańyzdylyǵyna jáne onyń mazmundy ári sapaly bolýyna basa nazar aýdardy.
Qazaqstan men Resei basshylary 16-17 qyrkúiek kúnderi Dýshanbede ótken UQShU men ShYU sammitteri aiasynda qol jetkizilgen ýaǵdalastyqtardy júzege asyrý úshin is-qimyldardy úilestirýge daiyn ekenderin naqtylady.
