Qazaqstan Prezidenti Qasym-Jomart Toqaev Resei Federatsiiasynyń Prezidenti Vladimir Pýtinge kóńil aitý jedelhatyn joldady, dep habarlaidy "Ult aqparat" Aqordaǵa silteme jasap.
Memleket basshysy Irkýtsk oblysyndaǵy sý tasqyny saldarynan adamdardyń qaitys bolýyna bailanysty kóńil aitty.
«Irkýtsk oblysyndaǵy sý tasqyny saldarynan eldi mekenderdiń qiraǵany jáne adamdardyń qaiǵyly qazaǵa ushyraǵany jónindegi habardy zor kúizelispen qabyldadym. Qazaqstan halqynyń jáne jeke ózimniń atymnan qaza bolǵandardyń jaqyndary men týystaryna kóńil aitamyn jáne olardyń qaiǵysyna ortaq ekenimizdi jetkizýińizdi suraimyn. Barlyq zardap shekkenderdiń tezirek saýyǵyp ketýine tilektespin», - delingen jedelhatta.
