QR Prezidenti Qasym-Jomart Toqaev Memlekettik qyzmet isteri agenttiginiń tóraǵasy Anar Jaiylǵanovany qabyldady, dep habarlaidy "Ult aqparat" Aqordaǵa silteme jasap.
Anar Jaiylǵanova Memleket basshysyna «Prezidenttik kadr rezerviniń» 4-kezeńiniń qorytyndysy týraly egjei-tegjeili málimet berdi.
Atap aitqanda, Anar Jaiylǵanova ótken kezeńniń negizgi kriteriileri men talaptary, sarapshylar komissiiasynyń quramy jaiynda aitty. Onyń aitýynsha, úmitkerlermen áńgimelesý ádil ári konkýrs erejesine sai ótti.
Prezident aqtyq kezeńniń barynsha ashyq ótýin qamtamasyz etýdi jáne eń laiyqty úmitkerlerdi iriktep alýdy tapsyrdy.
