"Jastar" ǵylymi-zertteý ortalyǵy júrgizgen Exit-poll nátijesi boiynsha Qasym-Jomart Toqaev 69,94% daýys jinap, jeńiske jetti. Bul týraly baspasóz ortalyǵynda ortalyqtyń direktory Talǵat Qaliev málimdedi, dep habarlaidy Sputnik Qazaqstan tilshisi.
"Sailaýshylarǵa "Siz qai kandidatqa daýys berdińiz?" degen saýal ǵana qoiyldy. Sonymen, Exit Poll-dyń nátijesine toqtalaiyn. Jambyl Ahmetbekov – 3,06%, Daniia Espaeva – 4,78%, Ámirjan Qosanov - 14,69%, Tóleitaý Rahimbekov – 2,71%, Amangeldi Taspihov – 2,63%, Qasym-Jomart Toqaev – 69, 94%, Túgel Sádibek – 1,92% sailaýshylardyń daýysyn jinady", - dedi Qaliev brifingte.
Onyń aitýynsha, Exit Poll-ǵa 12 myń adam qatysqan.
"Sailaý kúni Exit Poll saýalnamasy ótkizildi. Barlyq 300 sailaý ýchaskesinde 12 myń sailaýshy suraldy. Bólimshelerdi irikteý jáne respondentterdi sanyn anyqtaý ár óńirdegi sailaýshylardy esepteý jolymen júrgizildi. Nátijesinde respýblikalyq mańyzy bar qalalardaǵy 30 bólimshede 1220 adam, oblys ortalyǵy bolyp sanalatyn 14 qaladaǵy 64 sailaý bólimshesinde 2440 adam, aýyldyq jerlerdegi 125 bólimshede 5 myń adam, shaǵyn qalalardaǵy 84 bólimshede 3300 adam suraldy", - dedi ol.
Sol saýalnama kezinde bólimsheden shyqqan árbir besinshi respondentti tańdaý saqtalǵanyn atap ótti. Suraýdyń qateligi Exit Poll standarty boiynsha 3%-ten aspaidy.
"Sailaý týraly zańnyń 28-babyna sáikes, "Jastar" ǵylymi-zertteý ortalyǵy ortalyq sailaý komissiiasyna elektroldyq saýalnamaldardy, ári Exit Poll-dy ótkizý týraly habarlai otyryp, barlyq talap etiletin qujattar men málimetterdi usyndy. Bizdiń uiym belgilengen talaptarǵa, onyń ishinde 5 jyldyq jumys ótili, beiindi áleýmettanýlyq bilimi jáne jumys tájiribesi bar qyzmetkerlerdi bolýymen jaýap beredi", - dedi "Jastar" ǵylymi-zertteý ortalyǵy direktory.
Sondai-aq, ol Exit Poll Qazaqstannyń azamattyq aliansynyń tapsyrysy boiynsha júrgizilgenin aitty.
Aita ketsek, Ortalyq sailaý komissiiasy prezident sailaýynyń aldyn ala qorytyndysyn 12 saǵat ishinde jariialaidy.
Resmi nátijeni Ortalyq sailaý komissiiasy zańnamaǵa sáikes, daýys berýdiń nátijesin 10 kúnniń ishinde buqaralyq aqparat quraldarynda jariialaidy.
Exit Poll degenmiz ne?
Sailaý kezinde daýys bergen azamattardyń arasynda ótkiziletin anonimdi saýalnama "Exit Poll" dep atalady. Ekzit-poll sailaýdyń aldyn ala nátijesin jasaý arqyly ony burmalaýǵa jol bermeidi.
Zań boiynsha ekzit-polldy sailaýǵa deiin ótkizýge bolmaidy. Sailaý kezinde daýys beretin úi-jailardyń ishinde de jasaýǵa ruqsat joq. Ekzit-poll tek syrtta daýys bergen sailaýshylar arasynda ǵana júrgiziledi. Al onyń nátijesin jariialaǵanda aqparat kózin, saýalnamanyń ýaqytyn, málimet jinaýdyń ádis-tásilin, naqty suraqty, saýalnamaǵa qatysqan adamadardyń sany men qatelik koeffitsentin mindeti túrde kórsetý kerek.
