Memleket basshysy Qasym-Jomart Toqaev Premer-ministr Álihan Smaiylovty qabyldady, - dep habarlaidy "Ult aqparat" Aqordaǵa silteme jasap.
Prezidentke 2022 jyldyń qańtar-shilde ailaryndaǵy elimizdiń áleýmettik-ekonomikalyq damý qorytyndylary týraly baiandaldy.
Álihan Smaiylovtyń aitýynsha, osy aralyqta JIÓ ósimi 3,2 paiyzdy qurady. Taýarlar óndirisi 3,3 paiyzǵa, kórsetilgen qyzmetter 2,4 paiyzǵa artty. Qurylys, saýda, óńdeý ónerkásibi, sondai-aq kólik jáne bailanys salalarynda aitarlyqtai ósim bar.
Premer-ministr Prezidentke Úkimettiń áleýmettik mańyzy bar azyq-túlik taýarlaryna baǵany tejeý sharalaryna qatysty málimet berdi. Úkimet 2022-2024 jyldarǵa arnalǵan azyq-túlik qaýipsizdigi josparyn oryndap keledi.
Premer-ministr infliatsiia deńgeiin tómendetý, ekonomikany demonopolizatsiialaý, eldiń tranzittik-kóliktik áleýetin damytý jónindegi sharalar týraly baiandady. Álihan Smaiylov quny 22,2 trillion teńge bolatyn investitsiialyq jobalardyń júzege asyrylyp jatqanyn jetkizdi.
Sonymen qatar Úkimet basshysy Prezidentke Qazaqstannyń 2023-2025 jyldarǵa arnalǵan áleýmettik-ekonomikalyq damý boljamyn usyndy.
Prezident qurylymdyq reformalar men ekonomikany demonopolizatsiialaýdy jalǵastyryp, kásipkerlikke qoldaý kórsetý qajet ekenin aitty. Sondai-aq, halyqtyń kirisin arttyrýdy qamtamasyz etýdiń mańyzdylyǵyn atap ótti.
