Foto: Akorda.kz
Memleket basshysy Qasym-Jomart Toqaev Polsha prezidentine quttyqtaý jedelhatyn joldady, - dep habarlaidy "Ult aqparat" Aqordanyń baspasóz qyzmetine silteme jasap.
Qasym-Jomart Toqaev Andjei Dýdany Polsha Respýblikasynyń ulttyq meiramy – Táýelsizdik kúnimen quttyqtady.
"Búginde Polsha saiasi, áleýmettik-ekonomikalyq damýda, halqynyń ál-aýqatyn qamtamasyz etýde zor jetistikterge jetti. Osy tusta elińizdiń álemdegi mártebesi odan ári asqaqtap, halqyńyzdyń yrys-berekesi eselene berýine tilektestigimdi bildiremin. Biz Polshany Qazaqstannyń Eýropadaǵy jaqyn seriktesi dep bilemiz jáne dostyq pen ózara túsinistik rýhyndaǵy qarym-qatynastarymyzdy tereńdetýge erekshe mán beremiz", – dep jazylǵan jedelhatta.
