30 qyrkúiekte Qazaqstan Prezidenti Qasym-Jomart Toqaev pen Resei Prezidenti Vladimir Pýtin Kókshetaý qalasynda onlain-formatta ótetin eki el arasyndaǵy XVII óńiraralyq yntymaqtastyq forýmyna qatysady. Bul týraly Memleket basshysynyń baspasóz hatshysy Berik Ýáli habarlady.
«Forým aiasynda memleketter basshylarynyń onlain-formattaǵy kezdesýi josparlanǵan. Onda Qazaqstan men Resei arasyndaǵy strategiialyq seriktestiktiń basym baǵyttary talqylanbaq.
Forým biyl «Ekologiia jáne «jasyl ekonomikalyq» ósim salalaryndaǵy yntymaqtastyq» taqyryby aiasynda ótedi, dep jazdy Facebook-te Berik Ýáli.
Is-shara – eki memlekettiń óńirleri arasyndaǵy yqpaldastyqtyń perspektivti baǵyttaryn talqylaý, ekijaqty qatynastardy nyǵaitý, iskerlik toptardyń bailanystaryn jáne memlekettik organdar men biznes ókilderiniń qarym-qatynastaryn jandandyrý úshin tiimdi alań. Jiynǵa qatysýshylar transshekaralyq sý resýrstaryn basqarýǵa, klimattyń ózgerýi men kómirteginen arylýǵa, sondai-aq janýarlar men ósimdikter álemin qorǵaýǵa qatysty máselelerdi talqylaidy.
Forým qorytyndysy boiynsha birqatar qujatqa qoiý josparlanǵan.
