Foto: Akorda.kz
Memleket basshysy Bakýge jumys sapary barysynda Ázerbaijan Prezidentimen kezdesti, dep habarlaidy "Ult aqparat" Aqordanyń resmi saityna silteme jasap.
Qasym-Jomart Toqaev dástúrli qonaqjailyǵy men BUU-nyń Ortalyq Aziia elderi ekonomikalaryna arnalǵan arnaiy baǵdarlamasynyń (SPEKA) alǵashqy sammitin uiymdastyrǵany úshin Ilham Álievke alǵys aita otyryp, Bakýdi «Kaspii óńiriniń injý-marjany», álemdegi eń ádemi qalalardyń biri dep atady.
Memleket basshysy oraily sátti paidalanyp, Ilham Áliev pen baýyrlas Ázerbaijan halqyn halyqaralyq quqyq jáne BUU Qaýipsizdik Keńesiniń qararlaryna sai eldiń aýmaqtyq tutastyǵyn saqtaýǵa qol jetkizgenimen quttyqtady. Prezident munyń aitýly oqiǵa ekenine nazar aýdardy.
– Bul Sizdiń memlekettilikti nyǵaitýǵa, halqyńyzdyń ál-aýqatyn kóterip, Bakýdyń álemdik qoǵamdastyqtaǵy bedelin arttyrýǵa baǵyttalǵan myqty kóshbasshylyǵyńyzdyń, kóregen ári dana saiasatyńyzdyń arqasynda iske asty. Meniń oiymsha, bul, shyn máninde, tarihi oqiǵa, – dedi Prezident.
Memleket basshysy Qazaqstan men Ázerbaijan arasyndaǵy ózara qarym-qatynastyń qarqyndy damyp kele jatqanyn atap ótti.
– Jańa jobalar qolǵa alynyp jatyr. Bizdiń aramyzda eshqandai túitkildi másele joq. Biz – shynaiy strategiialyq seriktespiz, tipti, Kaspii teńiziniń eki jaǵyn meken etken kórshilermiz. Strategiialyq qatynastardy nyǵaitý jáne odaqtastyq yntymaqtastyqty tereńdetý jónindegi birlesken deklaratsiianyń qabyldanýy, sondai-aq Joǵary memleketaralyq keńestiń qurylýy qazaq-ázerbaijan qarym-qatynasyn jańa deńgeige kótergen tarihi oqiǵa boldy. Men ózimmen birge Bakýge tolyqqandy delegatsiia alyp keldim. Óitkeni búgingi kezdesýde, Ázerbaijan tarapymen shyn máninde, tolyq formatty, mazmundy kelissózder júrgizemiz dep sanaimyn. Bul – ózara qarym-qatynasqa qatysty birqatar másele boiynsha pikir almasý úshin jaqsy múmkindik, – dedi Memleket basshysy.
Óz kezeginde Ázerbaijan Prezidenti SPEKA sammitine qatysýǵa kelgeni úshin Qasym-Jomart Toqaevqa alǵys aitty.
– Biz – dostas, baýyrlas ári seriktes eldermiz. Sońǵy jyldary resmi saparlar aiasynda, eki el úkimetteri músheleri men kompaniialary sheńberinde ózara bailanystardyń qarqyndy túrde damyp kele jatqany anyq baiqalady. Biz eki memleket arasyndaǵy ózara yqpaldastyqtyń eń joǵary deńgeiine jetip otyrmyz. Bul – táýelsiz el retinde damý tarihymyzdaǵy aitýly oqiǵa jáne halyqtarymyz arasyndaǵy bailanystardyń rýhy men sipatyna sai keledi. Munyń solai bolatyn jóni bar, – dedi Ázerbaijan Prezidenti.
Ilham Áliev Qazaqstan Prezidentin kelesi jyly Ázerbaijanǵa memlekettik saparmen kelýge shaqyrdy.
Kezdesý barysynda memleketter basshylary Kaspii teńiziniń tabanymen talshyqty-optikalyq bailanys jelisin tartý, Ázerbaijan aýmaǵy arqyly Qazaqstan munaiyn tasymaldaý kólemin ulǵaitý, Transkaspii halyqaralyq kólik dálizin damytý, sondai-aq energetika men jańartylatyn energiia kózderi salalaryndaǵy perspektivti jobalardy júzege asyrý siiaqty mańyzdy baǵyttarda birlesken jumystardy jandandyrý múmkindikterin talqylady.
Baýyrlas halyqtar arasyndaǵy mádeni-gýmanitarlyq bailanystardy odan ári nyǵaitýǵa basa mán berildi. Jýyq arada Qazaqstanda Ázerbaijannyń, al Ázerbaijanda Qazaqstannyń mádeniet kúnderi uiymdastyrylady.
