Foto: Akorda.kz
Memleket basshysy Ekibastuzdaǵy jaǵdaimen tanysqan soń Pavlodar óńiriniń áleýmettik-ekonomikalyq damýy jáne investitsiialyq tartymdylyǵy jóninde málimet tyńdady, dep habarlaidy "Ult aqparat" Aqordanyń resmi saityna silteme jasap.
Oblys ákimi Asaiyn Baihanovtyń baiandaýynsha, birinshi jartyjyldyqta óńirge 344 milliard teńge investitsiia tartylǵan. Bul byltyrǵy kezeńmen salystyrǵanda 30 paiyzǵa artyq.
Óńir basshysy Ekibastuzda quny 35 milliard teńge bolatyn tehnikalyq kremnii óndirý zaýyty salynatynyn aitty. Condai-aq oblysta EkibastuzFerroAlloys kompaniiasynyń zaýyty iske qosylmaq. Jobaǵa 92 milliard teńge investitsiia quiý kózdelip otyr. Sondai-aq joba aiasynda 1500-den astam turaqty jumys orny ashylady. Al temirjol mashinasyn jasaý salasynda RailCastSýstems kompaniiasy investitsiia kólemi 78 milliard teńgeni quraityn ustalyq-bandaj ónimderin shyǵarý keshenin iske qosýdy josparlap otyr.
Óńirde burynnan jumys istep kele jatqan birqatar kásiporyn memlekettik qoldaýǵa ie boldy. Atap aitqanda, «Neftehim LTD» kompaniiasy TMD-da birinshi bolyp epoksidti kompaýnd óndirisin jolǵa qoidy. «Qazmunaihim» JShS elimizdiń munai-gaz salasyna arnalǵan reagentter men qospalardyń tolyq tsikldy óndirisi bastaldy.
Memleket basshysyna Poly Metal International plc halyqaralyq kompaniiasy qolǵa alǵan iri jobanyń júzege asyrylý barysy jóninde málimet berildi.
Joba aiasynda quramynda altyny bar 300 myń tonna kontsentratty qaita óńdep, odan 15 tonna altyn alý josparlanǵan. Óndiriske quiylatyn investitsiia kólemi – 347 milliard teńge.
Budan bólek, Prezidentke óńirdegi elektroenergetikalyq kásiporyndardyń tehnikalyq jaǵdaiy týraly baiandaldy. Oblys ákimi GRES-1 jáne GRES-2 energobloktaryn, sondai-aq Aqsý qalasyndaǵy №7 elektrostantsiiany jańǵyrtý jumystary 2024 jyly aiaqtalatynyn aitty.
Sonymen qatar Asaiyn Baihanov azyq-túlik óndirisin ulǵaitý perspektivasy jóninde málimet berdi. Onyń aitýynsha, oblysta sút óndirisi jáne ony qaita óńdeý kólemi artyp keledi. Biyl qosymsha 10 jańa zamanaýi ferma salynady. Oǵan 30 milliard teńgeden astam investitsiia tartylǵan.
Kezdesý sońynda Qasym-Jomart Toqaev áleýmettik-ekonomikalyq damý josparynyń oryndalýyn qamtamasyz etýdi jáne áleýetti investorlar tartý boiynsha jumystardy jalǵastyrýdy tapsyrdy.
