Foto: Aqorda
Memleket basshysy Armeniia Premer-ministri Nikol Pashinianmen telefon arqyly sóilesti, - dep habarlaidy "Ult aqparat" Aqordanyń baspasóz qyzmetine silteme jasap.
Áńgimelesý barysynda Prezident Qasym-Jomart Toqaev ekijaqty qatynastardyń dáiekti damyp kele jatqanyn atap ótip, ózara bailanystardy nyǵaitýǵa belsendi saiasi dialog jáne eki memlekettiń úkimetteri men parlamentteri deńgeiindegi yqpaldastyq septigin tigizetinin aitty. Mádeni-gýmanitarlyq yntymaqtastyq ta qarqyndy damyp keledi.
Qasym-Jomart Toqaev Aqtaý – Erevan – Aqtaý baǵyty boiynsha áýe reisteriniń iske qosylýyn oń baǵalady. Sonyń nátijesinde biznes-bailanystar men týristik saparlar aitarlyqtai jandana tústi.
Taraptar perspektivti baǵyttardaǵy, sonyń ishinde kólik, logistika jáne saýda salalaryndaǵy qarym-qatynastardy odan ári arttyrý máselesin talqylady.
