Memleket basshysy «Nur Otan» partiiasy Tóraǵasynyń birinshi orynbasary Baýyrjan Baibekti qabyldady, dep habarlaidy "Ult aqparat" Aqordaǵa silteme jasap.
Qasym-Jomart Toqaevqa «Nur Otan» partiiasynyń qazirgi jaǵdaiy, memlekettik organdarmen ózara yqpaldastyq tetikterin jandandyrý jáne Prezident Ákimshiligimen birlesken jumystardy qamtamasyz etý jóninde málimet berildi.
Baýyrjan Baibek óńirlerge jasaǵan saparlarynyń qorytyndylary, bastaýysh partiia uiymdarymen jumys jáne partiia qataryn tazartý úderisi týraly baiandady. Sonymen qatar, ol demokratiialyq kúshterdiń jalpyulttyq koalitsiiasy jumysynyń toqtaǵany jáne partiianyń Ulttyq qoǵamdyq senim keńesiniń jumysyna institýtsionaldy qatysý jospary jóninde habarlady.
Qazaqstan Prezidenti partiia men halyq arasyndaǵy bailanysty kúsheitýdiń mańyzdylyǵyn aitty. Memleket basshysy partiia múshelerin el ómirine belsendi atsalysýǵa jáne halyqqa jaqyn bolýǵa shaqyrdy.
«Partiia azamattar úshin ashyq ári qol jetimdi bolýy, halyqtyń múddesin tiimdi qorǵaýy tiis. Partiianyń qoǵamdyq qabyldaýlary Prezidenttiń virtýaldy qabyldaýymen tyǵyz bailanysta bolyp, turǵyndardyń máselelerin sheshýdiń shynaiy tetigine ainalýy qajet», – dedi Qasym-Jomart Toqaev.
