21 shildede Memleket basshysy Qasym-Jomart Toqaevtyń belgili reseilik jýrnalist Aleksei Pivovarovqa bergen suhbatynyń negizinde «Prezident 2.0» derekti filmi kórsetiledi, dep habarlaidy "Ult aqparat" Prezidenttiń baspasóz hatshysy Berik Ýálige silteme jasap.
«Prezident 2.0» derekti filmi 21 shilde kúni 22:00-de «31 arnadan» kórsetilmek.
«Áńgime barysynda Qazaqstan Prezidenti óziniń ómirbaianyna, diplomatiialyq mansabyna jáne jeke ustanymdaryna qatysty suraqtarǵa ashyq jaýap beredi. Filmge XX-XXI ǵǵ. Qazaqstan tarihynyń jetistikteri men aqtańdaq betteri, Qasym-Jomart Kemelulynyń ómiri jáne onyń otbasyna áser etken oqiǵalar arqaý boldy.
Memleket basshysy Qazaqstannyń Resei, Qytai jáne basqa memlekettermen qarym-qatynastaryna toqtalyp, ózi kezdesken kóptegen kórnekti álemdik saiasatkerler jóninde oi-pikirimen bólisedi», dep jazady Berik Ýáli Facebook-tegi paraqshasynda.
Onyń aitýynsha, kórermen filmnen Qasym-Jomart Toqaevtyń óz atyna aitylǵan maqtaý sózderge kózqarasy, dinge qatysty pikiri, oqityn kitaptary jáne olardyń avtorlary týraly biletin bolady.
«Atalǵan film Prezidenttiń sheteldik jáne otandyq BAQ-qa bergen birqatar suhbatynyń jalǵasy ispetti. Tórt aiǵa jýyq ýaqyt ishinde Memleket basshysynyń baspasóz qyzmeti Qasym-Jomart Kemelulynyń «Egemen Qazaqstan» jáne «Aiqyn» respýblikalyq gazetterine; reseilik «Kommersant», «Rossiiskaia gazeta» basylymdaryna; Ózbekstannyń «ÝzA» ulttyq aqparattyq agenttigine; «Rossiia» telearnasyna; amerikalyq White House Chronicle telehabaryna; izraildik Israel Hayom basylymyna; amerikalyq Wall Street Journal gazetine; Euronews telearnasyna; Bloomberg agenttigine suhbattaryn uiymdastyrdy.
Budan bólek, Prezident sailaýaldy naýqan kezinde jýrnalistermen jii kezdesti. Sondai-aq, sailaý qorytyndysy boiynsha ótkizilgen baspasóz máslihatynda kóptegen mańyzdy suraqtarǵa jaýap berdi», delingen jazbada.
