Memleket basshysy Qasym Jomart Toqaev qazaqstandyq óndirýshiden aiaq kiim satyp aldy. Bul týraly QR Prezidenti óziniń Twitter-degi paraqshasynda jazdy.
«Aiqyn» qarapaiym eńbek adamdaryn únemi nasihattaidy. Jaqynda etik tigetin jas kásipker týraly jaqsy suhbat jariialandy. Otandyq ónimdi qoldaý maqsatynda men de bir aiaq kiimin satyp aldym. Adal eńbek etip, naqty kásippen ainalysýǵa degen kózqaras ornyǵýy tiis», - dep jazdy Memleket basshysy.
Aita keteiik, Qasym-Jomart Toqaev sóz etip otyrǵan suhbat respýblikalyq «Aiqyn» basylymynda «Elimizde etikshi tapshy» degen taqyryppen jariialandy. Onda Shoes Republic aiaqkiim fabrikasynyń basshysy Dáýren Ramanqul óziniń kásikerlik qyzmeti, oǵan kelý joly jáne kásipkerlikti damytý boiynsha elde qalyptasqan jaǵdaiǵa oi-pikirlerimen bólisken.
