Berik Imashev Ortalyq sailaý komissiiasynyń tóraǵasy laýazymynan bosatyldy, - dep habarlaidy "Ult aqparat" Aqordanyń resmi saityna silteme jasap.
"Memleket basshysynyń Jarlyǵymen Berik Májituly Imashev Qazaqstan Respýblikasy Ortalyq sailaý komissiiasynyń tóraǵasy laýazymynan bosatyldy", - delingen habarlamada.
Berik Imashev OSK basshysy bolyp 2016 jyldyń qyrkúieginen bastap jumys istedi.
Ol 1960 jyly 7 maýsymda Almaty qalasynda dúniege kelgen. 1982 jyly Lomonosov atyndaǵy MMÝ "Zańger" mamandyǵy boiynsha bitirgen.
2000-2001 jyldary Tabiǵi monopoliialardy retteý, básekelestikti qorǵaý jáne shaǵyn biznesti qoldaý jónindegi agenttiktiń tóraǵasy bolyp jumys istedi.
2001-2003 jyldary - Astana qalasynyń advokattar alqasynyń múshesi.
2002 jyldan 2003 jylǵa deiin "Neftekonsalting" JAQ prezidenti boldy.
2003-2005 jyldary Qazaqstan Qaýipsizdik keńesi hatshysynyń orynbasary bolyp jumys istedi.
2005 jyly shaǵyn kásipkerlikti damytý qoryn basqardy.
2005-2007 jyldary - Prezident Ákimshiligi basshysynyń orynbasary.
2007-2008 jyldary Qazaqstan Respýblikasy Qaýipsizdik keńesiniń hatshysy boldy.
2008 jylǵy aqpan-tamyz aralyǵynda Prezidenttiń kómekshisi - Qaýipsizdik keńesiniń hatshysy laýazymyn atqardy.
2008-2012 jyldary - Parlament Senatynyń depýtaty, Konstitýtsiialyq zańnama, sot júiesi jáne quqyq qorǵaý organdary komitetiniń tóraǵasy.
2012 jyldan 2016 jylǵa deiin Ádilet ministri qyzmetin atqardy.
