Qazaqstan Prezidenti Qasym-Jomart Toqaev BUU Bas Assambleiasynyń aiasynda Ornyqty damý máseleleri jóninde joǵary deńgeidegi forýmda sóz sóiledi, dep habarlaidy "Ult aqparat" Aqordaǵa silteme jasap.
Is-shara baǵdarlamasynda alǵashqy bolyp sóz sóilegen Qazaqstan Prezidenti Qasym-Jomart Toqaev 2030 jylǵa deiingi ornyqty damý maqsattary adamzat úshin bári teń dárejede áleýmettik, tehnologiialyq jáne ekonomikalyq jetistikterdiń igiligine ie bola alatyn kemel keleshekke jetýdiń naqty jol kartasyn usyný ekenin atap ótti.
Memleket basshysy Qazaqstan halyqaralyq qoǵamdastyqtyń ornyqty damý maqsattaryna qol jetkizý jóninen artta qalyp bara jatqanyna alańdaýshylyq bildiretinin málimdedi. Qasym-Jomart Toqaev aldaǵy onjyldyqta tiisti nátijege qol jetkizý maqsatynda naqty sheshim qabyldaý qajettigin aitty.
Qazaqstan Prezidenti elimizdiń ekonomikalyq, áleýmettik jáne ekologiialyq saiasaty 2030 jylǵa deiingi ornyqty damý maqsattaryna tolyqtai sáikes keletinin atap ótti. Memleket basshysy Qazaqstannyń inkliýzivti qoǵam qurýǵa, ornyqty ekonomikalyq ósim men taza ekologiiany qamtamasyz etýge, odan da tiimdi ári esep beretin institýttar qurýǵa qol jetkize alatynyna senim bildirdi.
Memleket basshysy osy mindetterdi júzege asyrý aiasynda negizgi maqsaty úkimet pen halyq arasyndaǵy dialogty qamtamasyz etýdi kózdeitin «Halyqtyń únine qulaq asatyn memleket» qurý tujyrymdamasynyń qolǵa alynǵany týraly aitty.
Sonymen qatar, Qasym-Jomart Toqaev bilim júiesin jańǵyrtýdyń, sondai-aq jasyl jáne tsifrlyq ekonomikany, infraqurylymdy damytýdyń mańyzdylyǵyna basa nazar aýdardy. Onyń pikirinshe, bul baǵyttar barsha adamzattyń órkendeýi men ekonomikalyq jetistikterge jetýdiń qýatty qozǵaýshy kúshi bolmaq.
Qazaqstan Prezidenti bizdiń eldiń tájiribesinde ornyqty damý maqsattarynyń 80 paiyzy Qazaqstannyń strategiialyq baǵdarlamalarynda qamtylǵanyn atap ótti.
– 2018 jyly Qazaqstan BUU institýttarymen ózara tyǵyz is-qimyl jasai otyryp, Ornyqty damý maqsattaryna qol jetkizýge yqpal etetin «institýtsionaldyq arhitektýra» engizdi, onyń ishinde Basqarýshy keńes quryldy. Ornyqty damý maqsattary jóninen ótken alǵashqy forým 2019 jylǵy Astana ekonomikalyq forýmynyń negizgi is-sharasyna ainaldy. Biyl shilde aiynda biz alǵash ret Qazaqstannyń erikti túrdegi ulttyq sholýyn usyndyq, – dep atap ótti Qasym-Jomart Toqaev.
Memleket basshysy Ornyqty damý maqsattarynyń álemdik úderisterge yqpalyn eskere otyryp, ony jekelegen sanattardyń nemese elderde júzege asyrýdan qol jetkizetin jetistikke qanaǵat tutyp qarap otyrýǵa bolmaitynyn aitty.
Qasym-Jomart Toqaev Ornyqty damý maqsattarynyń óńirlik jáne halyqaralyq deńgeidegi jetistikterine Qazaqstannyń belsendi atsalysyp jatqanyna toqtaldy.
Memleket basshysynyń pikirinshe, birinshiden, Ornyqty damý maqsattaryna bólinetin qarjy resýrstarynyń tiimdi jumsalýyn qamtamasyz etý qajet.
Ekinshiden, Qasym-Jomart Toqaev Qazaqstannyń Tuńǵysh Prezidenti Nursultan Nazarbaevtyń bastamasymen qurylǵan shóleittený, jasyl jelekti qalpyna keltirý, eroziia, tuzdaný, sondai-aq áleýmettik qaýipsizdikti qamtamasyz etý máselelerin sheshýge baǵyttalǵan Azyq-túlik qaýipsizdigi jónindegi islam uiymy maqsattarynyń mańyzdylyǵyn atap ótti. Ol jaqyn bolashaqta IYU-na múshe 57 memlekettiń barlyǵy osy bastamaǵa qosylatynyna senim bildirdi.
Taǵy bir pármendi shara retinde Prezident Ortalyq Aziia memleketteri men Aýǵanstan úshin Ornyqty damý ortalyǵyn qurýdy atap ótti. Onyń aitýynsha, bul Ornyqty damý maqsattaryn tek Qazaqstanda ǵana emes, sonymen qatar basqa da Ortalyq Aziia memleketteri men Aýǵanstanda júzege asyrýdy jedeldetetin edi.
