قازاقستان پرەزيدەنتٸ قاسىم-جومارت توقاەۆ بۇۇ باس اسسامبلەياسىنىڭ اياسىندا ورنىقتى دامۋ مەسەلەلەرٸ جٶنٸندە جوعارى دەڭگەيدەگٸ فورۋمدا سٶز سٶيلەدٸ, دەپ حابارلايدى "ۇلت اقپارات" اقورداعا سٸلتەمە جاساپ.
ٸس-شارا باعدارلاماسىندا العاشقى بولىپ سٶز سٶيلەگەن قازاقستان پرەزيدەنتٸ قاسىم-جومارت توقاەۆ 2030 جىلعا دەيٸنگٸ ورنىقتى دامۋ ماقساتتارى ادامزات ٷشٸن بەرٸ تەڭ دەرەجەدە ەلەۋمەتتٸك, تەحنولوگييالىق جەنە ەكونوميكالىق جەتٸستٸكتەردٸڭ يگٸلٸگٸنە يە بولا الاتىن كەمەل كەلەشەككە جەتۋدٸڭ ناقتى جول كارتاسىن ۇسىنۋ ەكەنٸن اتاپ ٶتتٸ.
مەملەكەت باسشىسى قازاقستان حالىقارالىق قوعامداستىقتىڭ ورنىقتى دامۋ ماقساتتارىنا قول جەتكٸزۋ جٶنٸنەن ارتتا قالىپ بارا جاتقانىنا الاڭداۋشىلىق بٸلدٸرەتٸنٸن مەلٸمدەدٸ. قاسىم-جومارت توقاەۆ الداعى ونجىلدىقتا تيٸستٸ نەتيجەگە قول جەتكٸزۋ ماقساتىندا ناقتى شەشٸم قابىلداۋ قاجەتتٸگٸن ايتتى.
قازاقستان پرەزيدەنتٸ ەلٸمٸزدٸڭ ەكونوميكالىق, ەلەۋمەتتٸك جەنە ەكولوگييالىق ساياساتى 2030 جىلعا دەيٸنگٸ ورنىقتى دامۋ ماقساتتارىنا تولىقتاي سەيكەس كەلەتٸنٸن اتاپ ٶتتٸ. مەملەكەت باسشىسى قازاقستاننىڭ ينكليۋزيۆتٸ قوعام قۇرۋعا, ورنىقتى ەكونوميكالىق ٶسٸم مەن تازا ەكولوگييانى قامتاماسىز ەتۋگە, ودان دا تيٸمدٸ ەرٸ ەسەپ بەرەتٸن ينستيتۋتتار قۇرۋعا قول جەتكٸزە الاتىنىنا سەنٸم بٸلدٸردٸ.
مەملەكەت باسشىسى وسى مٸندەتتەردٸ جٷزەگە اسىرۋ اياسىندا نەگٸزگٸ ماقساتى ٷكٸمەت پەن حالىق اراسىنداعى ديالوگتى قامتاماسىز ەتۋدٸ كٶزدەيتٸن «حالىقتىڭ ٷنٸنە قۇلاق اساتىن مەملەكەت» قۇرۋ تۇجىرىمداماسىنىڭ قولعا الىنعانى تۋرالى ايتتى.
سونىمەن قاتار, قاسىم-جومارت توقاەۆ بٸلٸم جٷيەسٸن جاڭعىرتۋدىڭ, سونداي-اق جاسىل جەنە تسيفرلىق ەكونوميكانى, ينفراقۇرىلىمدى دامىتۋدىڭ ماڭىزدىلىعىنا باسا نازار اۋداردى. ونىڭ پٸكٸرٸنشە, بۇل باعىتتار بارشا ادامزاتتىڭ ٶركەندەۋٸ مەن ەكونوميكالىق جەتٸستٸكتەرگە جەتۋدٸڭ قۋاتتى قوزعاۋشى كٷشٸ بولماق.
قازاقستان پرەزيدەنتٸ بٸزدٸڭ ەلدٸڭ تەجٸريبەسٸندە ورنىقتى دامۋ ماقساتتارىنىڭ 80 پايىزى قازاقستاننىڭ ستراتەگييالىق باعدارلامالارىندا قامتىلعانىن اتاپ ٶتتٸ.
– 2018 جىلى قازاقستان بۇۇ ينستيتۋتتارىمەن ٶزارا تىعىز ٸس-قيمىل جاساي وتىرىپ, ورنىقتى دامۋ ماقساتتارىنا قول جەتكٸزۋگە ىقپال ەتەتٸن «ينستيتۋتسيونالدىق ارحيتەكتۋرا» ەنگٸزدٸ, ونىڭ ٸشٸندە باسقارۋشى كەڭەس قۇرىلدى. ورنىقتى دامۋ ماقساتتارى جٶنٸنەن ٶتكەن العاشقى فورۋم 2019 جىلعى استانا ەكونوميكالىق فورۋمىنىڭ نەگٸزگٸ ٸس-شاراسىنا اينالدى. بيىل شٸلدە ايىندا بٸز العاش رەت قازاقستاننىڭ ەرٸكتٸ تٷردەگٸ ۇلتتىق شولۋىن ۇسىندىق, – دەپ اتاپ ٶتتٸ قاسىم-جومارت توقاەۆ.
مەملەكەت باسشىسى ورنىقتى دامۋ ماقساتتارىنىڭ ەلەمدٸك ٷدەرٸستەرگە ىقپالىن ەسكەرە وتىرىپ, ونى جەكەلەگەن ساناتتاردىڭ نەمەسە ەلدەردە جٷزەگە اسىرۋدان قول جەتكٸزەتٸن جەتٸستٸككە قاناعات تۇتىپ قاراپ وتىرۋعا بولمايتىنىن ايتتى.
قاسىم-جومارت توقاەۆ ورنىقتى دامۋ ماقساتتارىنىڭ ٶڭٸرلٸك جەنە حالىقارالىق دەڭگەيدەگٸ جەتٸستٸكتەرٸنە قازاقستاننىڭ بەلسەندٸ اتسالىسىپ جاتقانىنا توقتالدى.
مەملەكەت باسشىسىنىڭ پٸكٸرٸنشە, بٸرٸنشٸدەن, ورنىقتى دامۋ ماقساتتارىنا بٶلٸنەتٸن قارجى رەسۋرستارىنىڭ تيٸمدٸ جۇمسالۋىن قامتاماسىز ەتۋ قاجەت.
ەكٸنشٸدەن, قاسىم-جومارت توقاەۆ قازاقستاننىڭ تۇڭعىش پرەزيدەنتٸ نۇرسۇلتان نازارباەۆتىڭ باستاماسىمەن قۇرىلعان شٶلەيتتەنۋ, جاسىل جەلەكتٸ قالپىنا كەلتٸرۋ, ەروزييا, تۇزدانۋ, سونداي-اق ەلەۋمەتتٸك قاۋٸپسٸزدٸكتٸ قامتاماسىز ەتۋ مەسەلەلەرٸن شەشۋگە باعىتتالعان ازىق-تٷلٸك قاۋٸپسٸزدٸگٸ جٶنٸندەگٸ يسلام ۇيىمى ماقساتتارىنىڭ ماڭىزدىلىعىن اتاپ ٶتتٸ. ول جاقىن بولاشاقتا يىۇ-نا مٷشە 57 مەملەكەتتٸڭ بارلىعى وسى باستاماعا قوسىلاتىنىنا سەنٸم بٸلدٸردٸ.
تاعى بٸر پەرمەندٸ شارا رەتٸندە پرەزيدەنت ورتالىق ازييا مەملەكەتتەرٸ مەن اۋعانستان ٷشٸن ورنىقتى دامۋ ورتالىعىن قۇرۋدى اتاپ ٶتتٸ. ونىڭ ايتۋىنشا, بۇل ورنىقتى دامۋ ماقساتتارىن تەك قازاقستاندا عانا ەمەس, سونىمەن قاتار باسقا دا ورتالىق ازييا مەملەكەتتەرٸ مەن اۋعانستاندا جٷزەگە اسىرۋدى جەدەلدەتەتٸن ەدٸ.
