Memleket basshysy HHHII jazǵy Olimpiada oiyndary qarsańynda Qazaqstannyń ulttyq qurama komandasynyń múshelerimen kezdesti, dep habarlaidy "Ult aqparat" Aqordanyń resmi saityna silteme jasap.
Qazaqstan qurama komandasynyń negizgi bóligi kezdesýge Almaty oblysyndaǵy «Aqbulaq» olimpiadalyq ortalyǵynan telekópir arqyly qatysty. Onda sportshylar Tokioǵa attanar aldyndaǵy sońǵy jattyǵý jiyndaryn ótkizip jatyr.
Prezident Olimpiadaǵa baratyn sportshylardyń aldynda sóilegen sózinde álemniń basty sport básekesinde el namysyn qorǵaý mártebeli mindet, úlken abyroi, zor jaýapkershilik ekenin aitty.
Memleket basshysy Táýelsizdik jyldarynda Qazaqstannan Olimpiadanyń 16 jeńimpazy, 71 júldegeri shyqqanyn, júzden astam iri sport kesheni, onyń ishinde,16 halyqaralyq deńgeidegi nysandar boi kótergenin atap ótti.
Qasym-Jomart Toqaev asa kúrdeli kezeńde Tokioda jaǵylatyn Olimpiada alaýy búkil adamzat úshin jahandyq indetpen kúrestiń simvoly bolatynyn aitty. Prezident álemniń túgelge jýyq elinde uzaqqa sozylǵan lokdaýnnyń qalypty tynys-tirshilikke aýyr soqqy jasaǵanyna toqtaldy.
– Sizder halyqaralyq deńgeidegi ózderińizdiń kóshbasshylyq oryndaryńyzdy nyǵaitý úshin naǵyz chempionǵa tán minez kórsetip, Olimpiada litsenziiasyn ielendińizder. Osyndai qiyn-qystaý jaǵdaida sizder sporttyń ózin-ózi shekteitin qatań rejimin saqtap, ózgelerge úlgi kórsettińizder, – dedi Qasym-Jomart Toqaev.
Prezident qazaqstandyqtardyń Olimpiada oiyndary barysynda bizdiń sportshylarǵa kórsetetin kúshti qoldaýy olarǵa qosymsha rýh beretinine senim bildirdi.
– Táýelsizdigimizdiń 30 jyldyǵynda Olimpiada tuǵyryna kóterilý sizderdiń ǵana jetistikterińiz emes, búkil ultymyzdyń abyroiy. Olimpiada shyńy myńdaǵan jasty sportpen shuǵyldanýǵa, salaýatty ómir saltyn ustanýǵa jáne kózdegen maqsattaryna jetýge shabyttandyrady, – dedi Qasym-Jomart Toqaev.
Memleket basshysy óz sózinde buqaralyq jáne balalar men jasóspirimder sportyn damytýǵa basymdyq beriletinin atap ótti.
– Buqaralyq sportty damytý arqyly biz ultymyzdyń densaýlyǵyn jaqsartamyz jáne búkil elimiz maqtan tutatyn Olimpiada jeńimpazdarynyń – sport juldyzdarynyń jańa býynyn tárbielep shyǵaramyz. Mundai saiasat sport sektsiialary men aýlalyq klýbtardyń damýyna tyń serpin beredi. Sondai-aq balalar jattyqtyrýshylaryn yntalandyrýǵa yqpal etip, daryndy atletterdiń jańa shoǵyryn aiqyndaýǵa septigin tigizedi, – dedi Prezident.
Qasym-Jomart Toqaev sportshylarymyzdyń Tokioda rekordtyq nátijeler kórsetetinine, elimizdiń álemdegi jetekshi sport derjavalarynyń arasyndaǵy bedelin nyǵaitatynyna senim bildirdi. Prezidenttiń aitýynsha, atletterdiń árbir jeńisiniń artynda, kóbinese nazardan, kameralardan tys qalatyn, olardyń jattyqtyrýshylarynyń qajyrly eńbegi tur.
Rásim barysynda Qasym-Jomart Toqaev Qazaqstan Respýblikasynyń Memlekettik Týyn alǵash ret eki birdei tý ustaýshyǵa – jeńil atletikadan Olimpiada chempiony Olga Rypakova men bokstan álem chempionatynyń kúmis júldegeri Qamshybek Qońqabaevqa tabystady.
Olga Rypakova Memleket basshysyna jyly qabyldap, izgi tilek bildirgeni úshin ulttyq quramanyń atynan alǵys aitty.
– Sizdiń aq tilegińiz – bizge erekshe kúsh-jiger beredi. Halqymyzdyń riiasyz mahabbatyn sezinemiz jáne ózimizge júktelgen jaýapkershilikti túsinemiz. Sondyqtan Otanymyzdyń abyroiyn arttyrý úshin bar kúshimizdi salyp, sheberligimizdi pash etemiz, – dedi Olga Rypakova.
Qamshybek Qońqabaev Prezidentke otandastarymyzdyń senimin aqtaý úshin qurama komanda baryn salatynyn jetkizdi.
– Sizdiń qolyńyzdan elimizdiń Týyn alý – úlken abyroi, zor jaýapkershilik. Olimpiadaǵa qatysýshy sportshylar qasterli sanaityn osy Týdyń Tokio tórinde jii kóterilip, Ánuranymyzdyń shyrqalýy úshin barymyzdy salamyz, – dedi bokstan Qazaqstan qurama komandasynyń kapitany.
