Mysyr tarapynyń bastamasymen uiymdastyrylǵan joǵary deńgeidegi suhbat barysynda Memleketter basshylary ekijaqty qatynastardyń qazirgi jaǵdaiy men perspektivalaryn talqylady, dep habarlaidy Aqorda.
Qasym-Jomart Toqaev qazaq-mysyr qatynastarynyń tamyry tereń bolǵanymen, eki el arasyndaǵy zamanaýi diplomatiialyq qatynastardyń ornaǵanyna biyl 30 jyl ǵana tolǵanyn atap ótti. Osy merzim ishinde ekijaqty yntymaqtastyqtyń ártúrli salasy boiynsha birqatar jetistikterge qol jetkizildi. Degenmen, búgingi tańda eki el arasyndaǵy bailanystarynyń áleýeti tolyq paidalanylmai otyrǵanyna nazar aýdarǵan Qazaqstan Prezidenti mysyr tarapyn saýda-ekonomika salasyndaǵy yqpaldastyqty damytýǵa shaqyrdy.
Sonymen qatar, Memleket basshysy qańtar oqiǵalaryna qatysty alańdaýshylyq tanytyp, niettestik bildirgeni úshin Ábdel Fattah as-Sisi men mysyr halqyna alǵysyn jetkizdi.
Qasym-Jomart Toqaev elimizdegi jaǵdaidyń turaqtalǵanyn atap ótip, áleýmettik-ekonomikalyq qaita qurýdyń jańa strategiiasyn júzege asyrý sharalary qabyldanǵanyna toqtaldy. Prezidenttiń aitýynsha, Qazaqstan halqy bolashaqqa nyq senimmen qaraidy.
Suhbat sońynda Memleket basshysy Mysyr Prezidentin Qazaqstanǵa ózine qolaily merzimde saparmen kelýge shaqyrdy.
