Prezident Qasym-Jomart Toqaev Muhtar Áýezov atyndaǵy pedagogikalyq kolledjge bardy, - dep habarlaidy "Ult aqparat" Aqordanyń baspasóz qyzmetine silteme jasap.
Memleket basshysy Abai oblysyna jumys sapary barysynda M.Áýezov atyndaǵy pedagogikalyq kolledjdiń jumysymen tanysty. Prezident oqý ornynyń tarihy men jetistikterine, bilim ordasynan bilim alǵan uly tulǵalardyń ómirine arnalǵan kórmeni aralap, oqytýshylar ujymymen jáne stýdenttermen pikirlesti.
Erkin áńgimelesý formatynda ótken kezdesýde Qasym-Jomart Toqaev pedagog mamandarǵa rizashylyǵyn bildirdi.
– Ustaz degen – qasietti mamandyq. Bárimiz ustazdy syilaimyz. Sebebi ustaz – joǵary deńgeidegi tulǵa. Balalarǵa laiyqty bilim berip jatyrsyzdar. Bilimsiz adam qaýqarsyz dep aitýǵa bolady. Qaýqarsyz adam qazirgi básekege toly álemde qalai ómir súredi? Sondyqtan jas mamandarǵa men rizamyn. Ózderińiz siiaqty jastardy memleket te árqashan qoldaidy, – dedi Memleket basshysy.
Sondai-aq Prezident elimizde jastarǵa jaǵdai jasaý úshin biraz reforma júzege asyrylyp jatqanyn aitty.
