پرەزيدەنت قاسىم-جومارت توقاەۆ مۇحتار ەۋەزوۆ اتىنداعى پەداگوگيكالىق كوللەدجگە باردى, - دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
مەملەكەت باسشىسى اباي وبلىسىنا جۇمىس ساپارى بارىسىندا م.ەۋەزوۆ اتىنداعى پەداگوگيكالىق كوللەدجدٸڭ جۇمىسىمەن تانىستى. پرەزيدەنت وقۋ ورنىنىڭ تاريحى مەن جەتٸستٸكتەرٸنە, بٸلٸم ورداسىنان بٸلٸم العان ۇلى تۇلعالاردىڭ ٶمٸرٸنە ارنالعان كٶرمەنٸ ارالاپ, وقىتۋشىلار ۇجىمىمەن جەنە ستۋدەنتتەرمەن پٸكٸرلەستٸ.
ەركٸن ەڭگٸمەلەسۋ فورماتىندا ٶتكەن كەزدەسۋدە قاسىم-جومارت توقاەۆ پەداگوگ ماماندارعا ريزاشىلىعىن بٸلدٸردٸ.
– ۇستاز دەگەن – قاسيەتتٸ ماماندىق. بەرٸمٸز ۇستازدى سىيلايمىز. سەبەبٸ ۇستاز – جوعارى دەڭگەيدەگٸ تۇلعا. بالالارعا لايىقتى بٸلٸم بەرٸپ جاتىرسىزدار. بٸلٸمسٸز ادام قاۋقارسىز دەپ ايتۋعا بولادى. قاۋقارسىز ادام قازٸرگٸ بەسەكەگە تولى ەلەمدە قالاي ٶمٸر سٷرەدٸ? سوندىقتان جاس ماماندارعا مەن ريزامىن. ٶزدەرٸڭٸز سيياقتى جاستاردى مەملەكەت تە ەرقاشان قولدايدى, – دەدٸ مەملەكەت باسشىسى.
سونداي-اق پرەزيدەنت ەلٸمٸزدە جاستارعا جاعداي جاساۋ ٷشٸن بٸراز رەفورما جٷزەگە اسىرىلىپ جاتقانىن ايتتى.
