Foto: Akorda.kz
Qasym-Jomart Toqaev MODEH Astana temirbeton konstrýktsiialaryn shyǵaratyn zaýytqa bardy, dep habarlaidy "Ult aqparat" Aqordanyń baspasóz qyzmetine silteme jasap.
Prezident elordaǵy óndiris nysandaryn aralaý barysynda MODEH Astana JShS-niń jumysymen tanysty.
MODEH Astana – BI Group holdinginiń enshiles kásiporny. Kompaniia 2020 jyldan bastap jumys isteidi jáne onda 360 adam eńbek etedi. Jobanyń quny – 16 milliard teńge.
Kásiporynda indýstriialyq-modýldik qurylystyń innovatsiialyq tehnologiialary qoldanylady.
BI Group kompaniiasy direktorlar keńesiniń tóraǵasy Aidyn Rahymbaevtyń aitýynsha, modýldik úidiń qurylysy ártúrli ǵimarat salý ýaqytyn edáýir qysqartýǵa, olardyń ózindik qunyn tómendetýge múmkindik beredi. Bul halyqtyń basym bóligi úshin turǵyn úidiń qoljetimdi bolýyna yqpal etedi.
Atalǵan tehnologiiany úilerdiń, kottedjder men turǵyn úi keshenderiniń qurylysy kezinde ǵana emes, sondai-aq áleýmettik infraqurylym nysandaryn salý barysynda da qoldanýǵa bolady.
Kompaniia qurylǵan kúnnen bastap osy tehnologiia boiynsha jalpy aýdany 200 myń sharshy metrden astam nysandar saldy.
