Memleket basshysy Ózbekstan Prezidenti Shavkat Mirziioevpen telefon arqyly sóilesti, dep habarlaidy "Ult aqparat" Aqordaǵa silteme jasap.
Prezident Qasym-Jomart Toqaev Shavkat Mirziioevti Ózbekstan Respýblikasynyń Prezidenti laýazymyna qaita sailanýymen quttyqtap, ózbek kóshbasshysynyń sailaýdaǵy senimdi jeńisi onyń strategiialyq baǵdarynyń jalpy halyqtyq qoldaýǵa ie bolǵanyn taǵy bir márte dáleldedi dep atap ótti.
Áńgimelesý barysynda Qasym-Jomart Toqaev Shavkat Mirziioevtiń baýyrlas eki halyq arasyndaǵy kóp ǵasyrlyq dostyq pen tatý kórshilik qatynastardy nyǵaitýǵa zor úles qosqanyn aitty.
Taraptar Qazaqstan men Ózbekstan arasyndaǵy strategiialyq seriktestiktiń mol áleýetin tolyq júzege asyrý jáne Ortalyq Aziiadaǵy ózara senimdi nyǵaitý maqsatynda birlesken jumystardy belsendi jalǵastyrýǵa daiyn ekenin naqtylady.
Qazaq-ózbek qatynastaryna is júzinde tyń serpin berý úshin Qasym-Jomart Toqaev Shavkat Mirziioevti Qazaqstanǵa memlekettik saparmen kelýge shaqyrdy.
